सोलापूर: घराच्या दुसऱ्या मजल्यावरील खोलीत लागलेल्या आगीत भाजून महिलेचा मृत्यू झाला. शुक्रवारी (ता. १५) दुपारी पावणेदोनच्या सुमारास विडी घरकुलमध्ये ही घटना घडली. पल्लवी प्रवीण सग्गम (वय ४०, रा. गडगी नगर, विडी घरकुल, सोलापूर) असे तिचे नाव आहे. खोलीला आतून कडी होती, त्यामुळे ही आत्महत्या असावी, असा पोलिसांचा अंदाज आहे. तपासानंतरच नेमकी दुर्घटना कशी घडली, हे समजेल असेही पोलिसांनी सांगितले.