पेनूर(सोलापूर): कोरोना महामारीमुळे सर्वांची अवस्था दयनीय झालेली असताना पेनूर येथील गवळी परिवाराने संपूर्ण गावाला फराळ साहित्य वाटपाचा आदर्शवत उपक्रम राबविला आहे. समाजातील इतर लोकांनी पण त्यांचा आदर्श घेत अन्नदानाच्या चळवळीत पुढे यावे असे प्रतिपादन बाळूमामा फेम अभिनेते सुमित पुसावळे यांनी केले.
हेही वाचाः गटशेतीतून सापडेल प्रगतीचा मार्ग
पेनूर येथील गवळी परिवाराच्या वतीने गेल्या 16 वर्षांपासून फराळ वाटपाचा कार्यक्रम आयोजित केला जातो.या 17व्या वर्षी मात्र कोरोना महामारीमुळे उद्योगधंदे बंद पडल्याने सर्वजण अडचणीत आले आहेत.ही अडचण लक्षात घेऊन गवळी परिवाराचे कुटुंबप्रमुख यशवंत गवळी यांच्याकडून संपूर्ण पेनूर गावातील 1800 कुटुंबाला फराळाचे साहित्य वाटप करण्यात आले. त्यावेळी ते बोलत होते.यावेळी प्रगतशील बागायतदार मारुती गवळी, गिरीश गवळी, गौरव गवळी, सौरव गवळी,सचिन डोके,विकास डोके,कार्यक्रमाचे अध्यक्ष प्रगतशील बागायतदार भारत चवरे,पोलीस निरीक्षक विजयकुमार डोके,माजी सरपंच हरिश्चंद्र चवरे,शिवसेना नेते चरणराज चवरे,भाजपचे सरचिटणीस रमेश माने,ग्रा.प.सदस्य चिंतामणी चवरे, युवा उद्योजक सागर चवरे,प्रगतशील बागायतदार परमेश्वर राऊत,प्रसिद्ध डाळिंब व्यापारी राजू गवळी, राष्ट्रवादी तालुकाध्यक्ष प्रकाश चवरे,युवा नेते सचिन चवरे आदी प्रमुख पाहुणे उपस्थित होते.
गवळी परिवारातर्फे पेनूर गावातील गरजूंना दिवाळीनिमित्त घराघरात पोहोचलेल्या बाळूमामा उर्फ अभिनेता सुमित पुसावळे यांच्या हस्ते फराळ वाटप करण्यात आले. यावेळी नागनाथ चवरे, दादाराव सलगर, तुकाराम माने, तुकाराम शेंबडे, विजय चवरे, दिलीप माने, दादाराव माळी, राजू राजगुरू, नागेश गायकवाड आदी उपस्थित होते.
अडचणीच्या काळात गवळी परिवाराकडून सदैव पुढे असणार
-गेल्या सोळा वर्षांपासून सामाजिक बांधिलकी जपत अविरतपणे गोरगरीब बांधवांची दिवाळी गोड केली आहे.यावेळेस कोरोना महामारीचा अतिरेक झाल्याने ग्रामीण भागातील लोकांची अवस्था बिकट झाली आहे त्यामुळे पेनूर गावातील सर्वच 1800 कुटुंबाला या दिवाळीनिमित्त फराळसाहित्य वाटप करण्यात आले.यापुढे देखील अशाच प्रकारचे लोकहितवादी व मदतीचे हात गवळी परिवाराकडून सदैव पुढे राहतील.
- यशवंत गवळी,अभियंता तथा कुटुंबप्रमुख गवळी परिवार पेनूर
संपादनः प्रकाश सनपूरकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
