पंढरपूर(सोलापूर) : तालुक्यातील वाखरी येथील कोविड केअर सेंटरमधून कोरोना आजारातून बरे झालेल्या 56 जणांना आज प्रांताधिकारी सचिन ढोले यांच्या उपस्थितीत घरी सोडण्यात आले.
जिल्हाधिकाऱ्यांच्या सूचनेनुसार हॉस्पिटलमध्ये देखील रॅपिड ऍन्टीजेन किट उपलब्ध करुन देण्यात येणार आहेत. पुढील आठवड्यापासून सुमारे तीन ते चार हजार रॅपिड ऍन्टीजेन टेस्ट केल्या जाणार आहेत. लोकांनी संसर्ग न लपवता तपासणीसाठी स्वतःहून पुढे आले पाहिजे. जेणे करुन तपासणी वेळीच होऊन लोकांच्या आरोग्याला होणारा धोका टाळता येऊ शकेल, असे प्रांताधिकारी सचिन ढोले यांनी सांगितले.
तालुक्यातील वाखरी येथील कोविड केअर सेंटरमधून बरे झालेल्या 56 जणांना आज प्रांताधिकारी सचिन ढोले यांच्या उपस्थितीत घरी सोडण्यात आले. त्यानंतर श्री. ढोले यांनी ही माहिती दिली. ते म्हणाले, वाखरी येथील कोविड केअर सेंटरमधून आज 56 जणांना डिसचार्ज देण्यात आला आहे. गटविकास अधिकारी रविकिरण घोडके, उपजिल्हा रुग्णालयाच्या वैद्यकीय अधिक्षक डॉ. जयश्री ढवळे, तालुका आरोग्य अधिकारी डॉ. एकनाथ बोधले या सर्वांच्या टिममधील लोक पूर्ण क्षमतेने काम करत आहेत. तथापी दुर्देवाने सध्या संसर्गाला पोषक वातावरण आहे. त्यामुळे स्वत:च्या आरोग्याविषयी थोडी जरी शंका आली तरी लगेच तपासण्या करुन घेतल्या पाहिजेत. जेणे करुन संसर्ग वाढणार नाही. शासकीय यंत्रणा सर्वतोपरी प्रयत्न करत असताना नागरिकांच्या सहकार्याची गरज आहे. लोकांनी संसर्ग लपवण्याची वृत्ती टाळून पुढील अडचणी टाळाव्यात असे आवाहन त्यांनी केले.
संपादन ः प्रकाश सनपूरकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
