सांगोला पोलिसांनी दोन मोटारसायकल चोरांकडून सात लाख 15 हजार रुपये किमतीच्या 14 मोटारसायकली जप्त केल्या आहेत.
सांगोला (सोलापूर) : सांगोला पोलिसांनी (Sangola Police) मोटारसायकल चोरांविरोधात मोठी कारवाई करून दोन मोटारसायकल चोरांकडून सात लाख 15 हजार रुपये किमतीच्या 14 मोटारसायकली जप्त केल्या आहेत. सत्यवान बजरंग इंगवले (रा. मेडशिंगी, ता. सांगोला) व रोहन मारुती गायकवाड (रा मांजरी (बु.), हडपसर, पुणे) (Pune) या दोन मोटारसायकल चोरांना सांगोला पोलिसांनी अटक केली आहे.
वाढेगाव (ता. सांगोला) येथील रजनीकांत सूर्यगंध यांनी आपल्या मालकीची मोटारसायकल सांगोला येथून चोरी झाल्याचा गुन्हा सांगोला पोलिसात नोंदवला होता. या गुन्ह्याच्या अनुषंगानेच व पोलिसांनी मिळालेल्या गुप्त माहितीच्या आधारे सत्यवान बजरंग इंगोले (रा. मेडशिंगी, ता. सांगोला) हा मोटारसायकल चोरी करीत असल्याची माहिती मिळाली. पोलिसांनी त्याच्या घरी मेडशिंगी येथे जाऊन शोध घेतला. पोलिसांना त्याच्या घराशेजारी असलेल्या शेतीच्या बांधालगत अनेक मोटारसायकली लावलेल्या आढळल्या. याबाबत पोलिसांनी अधिक तपास करून त्याच्याकडून विविध कंपन्यांच्या 14 मोटारसायकली जप्त केल्या. त्याला मोटारसायकल चोरण्यासाठी मित्र रोहन मारुती गायकवाड (रा. पुणे) हाही मदत करत असून, त्यालाही अटक करण्यात आली आहे.
या गुन्ह्यात एकूण सात लाख 15 हजार रुपयांच्या 14 मोटारसायकली पोलिसांनी जप्त केल्या आहेत. ही कारवाई पोलिस अधीक्षक तेजस्वी सातपुते, उपविभागीय पोलिस उपविभागीय अधिकारी राजश्री पाटील, पोलिस निरीक्षक सुहास जगताप यांच्या मार्गदर्शनाखाली पोलिस हेडकॉन्स्टेबल सचिन वाघ, काझी, कोरे, हेंबाडे, पाटील व सायबर पोलिस ठाण्याचे अन्वर आत्तार यांनी केली. या दोघांनी पंढरपूर, सांगोला व पुणे परिसरातून मोटारसायकली चोरी केल्या आहेत. ज्यांच्या मोटारसायकली चोरीस गेल्या आहेत त्यांनी सांगोला पोलिस ठाण्याशी संपर्क करावा, असे आवाहनही पोलिस निरीक्षक सुहास जगताप यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
