Big relief to villagers who put up 'Village for Sale' board.
Sakal
तीव्र पाणीटंचाईमुळे हवालदिल होऊन "पाण्यासाठी आमचे गाव विकायला काढले आहे," असा संतप्त फलक लावून आंदोलन करणाऱ्या सोलापूर जिल्ह्यातील माढा तालुक्यातील तुळशी या दुष्काळग्रस्त गावाला ज्येष्ठ नेते शरद पवार यांनी मोठा दिलासा दिला आहे. सोलापूर जिल्ह्याच्या दुष्काळी पाहणी दौऱ्यावर असलेल्या शरद पवार यांनी केवळ कोरडी आश्वासने न देता, तुळशी गावाच्या पाणीप्रश्नासाठी थेट ५० लाख रुपयांची आर्थिक मदत जाहीर करत मदतीचा धनादेश जागेवरच सुपूर्त केला.
