Savitribai Phule Jayanti : मुलींच्या शैक्षणिक विकासाचा नऊ दशकांचा वसा

प्रकाश सनपूरकरसोलापूर: ग्रामीण भागातील पाच हजार मुलींचे पालकत्व व माहेरपणाचा वसा जपत बी. सी. गर्ल्स हॉस्टेलने महिला विकासाचा वेगळा आदर्श जपला आहे. तब्बल नऊ दशकांपासून या संस्थेने जपलेला समाजसेवेचा वसा सोलापूरच्या सामाजिक कार्याचे मॉडेल बनले आहे..१९३६ मध्ये नवशिक्षणाचे वारे वाहत असताना ग्रामीण भागातील मुलींना मोफत शिक्षणाची सोय व्हावी हा विचार समोर ठेवून डॉ. काकासाहेब मुळे व अन्य मंडळींनी या हॉस्टेलची स्थापना केली. केवळ पाच मुलीपासून कार्यास सुरवात झाली. तेव्हापासून या हॉस्टेलचे कार्य आजतागायत पुढील पिढीच्या समाजसेवींनी दानशूरांच्या मदतीने अखंडपणे चालवले आहे..Savitribai Phule Jayanti 2025 : सावित्रीबाई फुले यांच्या जयंतीनिमित्त मुलांना शेअर करा त्यांचे विचार.सुरवातीला केवळ मागासवर्गीय मुलींना प्रवेश देण्यापासून काम सुरू झाले. नंतर आर्थिकदृष्ट्या दुर्बल घटक, एकल पालक, पालकत्व निभावण्यास असमर्थ ठरलेल्या पालकांच्या मुली देखील शिक्षणासाठी येऊ लागल्या. १९५३ मध्ये वसतिगृह व बालगृह असे दोन विभाग सुरू झाले.संस्थेत मुलींची संख्या वाढू लागली. पण शासनाकडून अपुरी मदत व तीही विलंबाने मिळत असल्याने हॉस्टेल चालकांनी अनेक दात्यांची मदत घेऊन मुलींच्या शिक्षणापासून ते सणापर्यंत सर्व गरजा आईवडिलांच्या नात्याने कायम भागवल्या.सध्या १०० मुली या ठिकाणी शिक्षण घेतात. मुलींच्या शिक्षणासाठी नर्सिंग अभ्यासक्रम सुरू करण्यात आला. आज विद्यापीठाच्या नॅक कमिटीकडून हॉस्टेलच्या शिक्षणक्रमाचे मॉडेल मान्य केले गेले आहे. मुलींचे शिक्षण झाल्यावर त्यांच्या विवाहासाठी देखील दात्यांनी केलेल्या मदतीवर योगदान दिले जाते. आजही लग्न झालेल्या मुली आपले माहेर म्हणून हॉस्टेलमध्ये येत असतात. सिम्बायोसिस व टाटा ऑटोमोबाईल यांनी दहा मुलींना अभियांत्रिकी शिक्षण दिले..माहेराचे नातेयेथून शिकून गेलेल्या मुली हॉस्टेललाच आपले माहेर समजून नाते कायम ठेवतात. आठवण आली की फोन करणे, सणाला शुभेच्छा देणे या गोष्टी आवर्जून होतात. हॉस्टेल चालक देखील या मुली आपल्या लेकी समजूनच त्यांना कायम प्रेम देतात. आम्हाला आता २० पेक्षा अधिक नातवंडे झाली आहेत असे संचालकांची विद्यमान पिढी अभिमानाने सांगते..ठळक बाबी- दानशूरांनी केलेल्या मदतीवर पाच हजार मुलींचे संगोपन व शिक्षण- स्वामी समर्थ अन्नछत्र मंडळाकडून धान्याची मदत- मुलींना दात्यांच्या मदतीने खासगी शिकवणी- सौर ऊर्जेचा वापर करून विजेची बचत- वाढदिवस साजरा करण्यासाठी दात्यांची कायम हजेरी- शिवणकला, किचन गार्डन, योगासन आदी छंद वर्ग- गणेशोत्सवात व्याख्यानमालेचे आयोजन.हॉस्टेलला पुरस्कारहैदराबाद येथील निवृत्त न्यायमूर्ती एम. एन. राव शालिनी पारगावकर फाउंडेशनच्या वतीने या हॉस्टेलला आदर्श संस्था पुरस्कार देखील मिळाला आहे. हॉस्टेलच्या विश्वस्त व कार्यकारी मंडळात प्रियंवदा गोडबोले, सदस्य अंजली नानल, डॉ. उमा प्रधान, जयश्री पटवर्धन, सीमा किनीकर, रमा आराध्ये, योगगुरू स्नेहल पेंडसे, विजया थोबडे, आश्लेषा देखणे, लक्ष्मणराव ढोबळे, सुमेधा पटवर्धन, डॉ. रोहिणी देशपांडे, उषा शहा, डॉ. नंदिनी बिराजदार, मनीषा जोशी, शिल्पा जोशी, राजश्री तवकरी व मधुरा सलवारू या कार्यरत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.