Solapur : मंगळवेढ्यासह जिल्ह्याच्या विकासात धनश्रीचे योगदान ह.भ.प.बोधले महाराज

मंगळवेढा : नश्री परिवाराने मंगळवेढ्यासह जिल्ह्याच्या विकासात भरीव योगदान दिल्याचे गौरवोद्गार ह.भ.प.जयवंत बोधले महाराज यांनी व्यक्त केले.श्री सद्गुरू सिताराम महाराज अर्बन को- ऑप. क्रेडिट सोसायटी लि. मंगळवेढा या संस्थेच्या उद्घाटन प्रसंगी ते बोलत होते.अध्यक्षस्थानी जिल्हा उपनिबंधक कुंदन भोळे हे होते यावेळी धनश्री व सिताराम परिवाराचे संस्थापक प्रा. शिवाजीराव काळुंगे,दामाजीचे अध्यक्ष शिवानंद पाटील, माजी आमदार दत्तात्रय सावंत, भैरवनाथ शुगरचे अनिल सावंत,जकराया शुगरचे अध्यक्ष बिराप्पा जाधव,श्री सद्गुरू सिताराम महाराज शुगरच्या मुख्य कार्यकारी अधिकारी डॉ. राजलक्ष्मी काळुंगे- गायकवाड,उपाध्यक्ष तानाजी खरात,

उद्योजक वैभव नागणे, उपविभागीय पोलीस अधिकारी राजश्री पाटील, सहाय्यक निबंधक प्रमोद दुरगुडे,धनश्री महिला पतसंस्थेच्या अध्यक्षा प्रा. शोभा काळुंगे,अजित जगताप,नानासाहेब लिगाडे,भागवत माने, सतीश जगताप, रामचंद्र जगताप, रामकृष्ण नागणे, युवराज गडदे,यादाप्पा माळी, उषा माने,लक्ष्मण वाघमोडे, राधिका पाटील, सीमाताई काळुंगे आदीसह मान्यवर उपस्थित होते.यावेळी बोलताना जिल्हा उपनिबंधक भोळे म्हणाले की,सहकार क्षेत्रात कार्यरत असताना संचालक मंडळाने सर्व कायदेशीर बाबी समजून घेऊन बँकचे कामकाज करणे नितांत गरजेचे आहे. सभासदांच्या हिताचे निर्णय घेऊन वेगळी ओळख निर्माण करण्यासाठी जास्तीत जास्त अत्याधुनिक सेवा-सुविधा देण्याचा प्रयत्न संचालक मंडळाचा मानस असावा.

सर्वसामान्याचे हित डोळ्यासमोर ठेवून आजपर्यंत धनश्री व सिताराम परिवाराने वाटचाल सुरू ठेवली आहे. मंगळवेढाच्या वैभवशाली विकासात धनश्री महिला पतसंस्था व धनश्री मल्टीस्टेटचा मोठा हातभार आहे. त्यामध्ये आणखी भर घालण्यासाठी शिवाजीराव काळुंगे व शोभा काळुंगे यांनी सिताराम महाराज अर्बन को- ऑप. क्रेडिट सोसायटी लि. मंगळवेढा संस्था उभा केली आहे.याप्रसंगी मा. आ. दत्तात्रय सावंत, उपविभागीय पोलीस अधिकारी राजश्री पाटील, प्रा शिवाजीराव काळुंगे आदींची भाषणे झाली.प्रास्ताविक श्री सद्गुरू सिताराम महाराज शुगरच्या मुख्य कार्यकारी अधिकारी डॉ. राजलक्ष्मी काळुंगे- गायकवाड यांनी केले. सूत्रसंचालन कवी इंद्रजित घुले व अक्षय टोमके यांनी केले.