Solapur Politics:'सोलापूर जिल्ह्यात नगराध्यक्षपदाचे २५, तर नगरसेवकचे ४८२ अर्ज बाद'; हरकतींमुळे रात्री उशिरापर्यंत छाननी, सांगोल्यात काय घडलं?

सोलापूर : जिल्ह्यातील १२ नगरपालिकांमध्ये १२ नगराध्यक्षपदांसाठी १४६ तर नगरसेवक पदांसाठी २२६१ उमेदवारी अर्ज प्राप्त झाले होते. या उमेदवारी अर्जांची मंगळवारी छाननी प्रक्रिया झाली. यामध्ये पंढरपूर, कुर्डुवाडी व करमाळा नगरपालिकेतील नगराध्यक्षपदाचे सर्व अर्ज मंजूर करण्यात आले. रात्री उशिरापर्यंत प्राप्त माहितीनुसार नगराध्यक्षपदासाठीचे २५ तर नगरसेवक पदासाठीचे ४८२ उमेदवारी अर्ज बाद करण्यात आले.