Solapur News : वंदे भारत एक्स्प्रेस उत्स्फूर्त प्रतिसाद

सोलापूर - वंदे भारत एक्स्प्रेस या सेमी स्पीड रेल्वेला प्रवाशांकडून उत्स्फूर्त प्रतिसाद मिळत आहे.ता. १५ ऑगस्ट ते ८ सप्टेंबर महिन्यात मध्य रेल्वे क्षेत्रातून धावणाऱ्या वंदे भारत एक्स्प्रेसच्या एकूण १५० फेऱ्यांमध्ये १ लाख २२ हजार २२६ प्रवाशांनी प्रवास केला आहे. यामध्ये मध्य रेल्वे विभागाला एकूण १० कोटी ७२ लाखाचे उत्पन्न मिळाले आहे.

सोलापूर ते मुंबई दरम्यान ९३ टक्के तर मुंबई ते सोलापूर दरम्यान १०५ टक्के प्रवाशांचा प्रतिसाद मिळाला असून सुमारे ५० हजार प्रवाशांनी वंदे भारत एक्स्प्रेसला प्रवासाला पसंदी दिली आहे.

दरम्यान,यामध्ये मध्य रेल्वे सोलापूर विभागाला तीन कोटीचे उत्पन्न मिळाले आहे. मध्य रेल्वेने ऑगस्ट महिन्यातील वंदे भारत एक्स्प्रेसच्या प्रतिसादाबद्दलची माहिती दिली आहे