Solapur : चोवीस दिवसात आवताडे शुगरने गाठला लाख गाळपाचा टप्पा

मंगळवेढा : तालुक्यातील नंदुर येथे आ. समाधान आवताडे यांच्या मार्गदर्शनाखाली सुरू झालेल्या आवताडे शुगर्स अँण्ड डडिस्टिलरीज प्रा. लि. या खासगी साखर कारखान्याने पहिल्याच गळीत हंगामात 24 दिवसात लाख गाळपाचा टप्पा पार करून दाखवला.

तालुक्यातील सहकारी व खासगी चार साखर कारखान्याने सुरू असून दोन वर्षे बंद असलेल्या या साखर कारखान्याने 4 नोव्हेंबरला उपमुख्यमंत्री देवेंद्र फडणवीस यांच्या हस्ते मोळी पूजन करून प्रथम गळीत हंगामाचा शुभारंभ केला. तेव्हापासून 28 नोव्हेंबर रोजी सकाळी 7 वाजता एक लाख मेट्रिक टन उसाचे गाळप करून कमी कालावधीत जास्त गाळपाचा उच्चांक केला.यावेळी बोलताना अध्यक्ष संजय आवताडे म्हणाले की कारखाना घेतल्यानंतर अवघ्या दोन महिन्यात युद्ध पातळीवर कारखान्याची सर्व यंत्रणा भरून कारखाना सुरू करण्यामध्ये कामगारांचा मोलाचा वाटा आहे.

या कारखान्याचे मुख्य कार्यकारी अधिकारी कुर्मादास चटके व कार्यकारी संचालक मोहन पिसे यांच्या कुशल सहाय्याने कमी कालावधीत आम्ही हा उचांक गाठू शकलो. या काळामध्ये तोडणी वाहतुक ठेकेदार, ऊस उत्पादक शेतकरी या सर्वांचे सहकार्य लाभल्यामुळे कमी कालावधीत चांगले गाळप झाले असून शेतकऱ्यानी आवताडे शुगर वर जो विश्वास दाखवला तो विश्वासास पात्र राहून शेतकऱ्यांना समाधानकारक दर देऊन हा कारखाना शेतकऱ्यांचा असल्याचे दाखवून देणार असल्याचे म्हणाले,