सोलापूर : नळावर पाणी भरण्याच्या कारणावरून भावकीतील दोन गटांत लाकडाने, पाईपने व विटांनी हाणामारी झाली. यात एकजण जखमी झाला. गुरुवारी (ता. १९) सकाळी अकराच्या सुमारास मुरारजी पेठेतील महात्मा फुले झोपडपट्टीत ही घटना घडली. याप्रकरणी दोन्ही गटांनी परस्परांविरुद्ध फिर्याद दिली आहे. त्यावरून दोन्ही गटांच्या एकूण दहा जणांविरुद्ध फौजदार चावडी पोलिस ठाण्यात गुन्हा दाखल केला आहे.