चोरलेल्या जेसीबीने आरगमध्ये फोडले एटीएम | Sakal
sakal

बोलून बातमी शोधा

चोरट्यांनी ॲक्सिस बँकेचे एटीएम जेसीबीने फोडले.

चोरलेल्या जेसीबीने आरगमध्ये फोडले एटीएम

आरग (ता. मिरज) - येथे चोरट्यांनी ॲक्सिस बँकेचे एटीएम चोरीच्या जेसीबीने फोडले. जेसीबीच्या सहाय्याने एटीएम मशिनचे जागीच तुकडे केले. परंतु, एटीएममधील २७ लाख रुपयांची रोख रक्कम चोरट्यांना चोरी करता आली नाही. त्यामुळे चोरट्यांनी ५० मीटर अंतरावरील एका चौकात एटीएम मशिन नेऊन फेकले व जेसीबीसह पसार झाले. ही घटना आज मध्यरात्री उघडकीस आली. मिरज ग्रामीण पोलिसांत या घटनेची नोंद झाली आहे.

पोलिसांनी दिलेली माहिती अशी, की येथील एका पेट्रोलपंपावर उभा असणारा जेसीबी चोरट्यांनी आज मध्यरात्री सव्वाबाराच्या सुमारास चोरला. ग्रामपंचायत कार्यालयाशेजारी असणाऱ्या ॲक्सिस बँकेच्या एटीएममध्ये चोरी करण्याचा धाडसी प्रयत्न चोरट्यांनी केला. जेसीबीच्या सहाय्याने एटीएम मशिन तळातूनच उचकटून बाहेर काढला. जेसीबीने एटीएम मशिनचे जागीच तीन तुकडे केले व ते उचलून घेऊन जाण्याचा प्रयत्न चोरट्यांनी केला. परंतु, चोरट्यांनी ५० मीटर अंतरावर असणाऱ्या एका चौकात एटीएम मशिन आणून टाकले. आजूबाजूची परिस्थिती लक्षात घेता चोरट्यांनी जेसीबी घेऊनच पळ काढला. ग्रामस्थांनी चोरी झाल्याची माहिती पोलिसांना दिली. पोलिस मध्यरात्रीच घटनास्थळी दाखल झाले. चोरी केलेले एटीएम मशिन दुसऱ्या जेसीबीच्या सहाय्याने उचलून एटीएम सेंटरमध्ये ठेवले. दरम्यान, आरग-लक्ष्मीवाडी रस्त्यावर चोरी केलेला जेसीबी सकाळच्या सुमारास आढळून आला. घटनास्थळी जिल्हा पोलिस अधीक्षक दीक्षित गेडाम, एलसीबीचे निरीक्षक सर्जेराव गायकवाड, मिरज ग्रामीणचे निरीक्षक चंद्रकांत बेंद्रे यांनी भेट दिली. चोरीचा पंचनामा केला. या घटनेची नोंद मिरज ग्रामीण पोलिस ठाण्यात झाली आहे. एटीएममधील रोख रक्कम सुरक्षित असल्याचे पोलिसांनी सांगितले. चोरट्यांचा तपास पोलिस करीत आहेत.

Web Title: Stolen Jcb Burster Atm In Arg

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top