पारनेर : सहलीला जाण्यासाठी वडिलांनी पाचशे रुपये कमी दिल्याचा राग आल्याने साकूर येथील फिरोदिया कॉलेजमध्ये एफवायबीकॉममध्ये शिकणाऱ्या सतीश जगन्नाथ घुले (वय 19, रा. पोखरी, ता. पारनेर) या मुलाने विहिरीत उडी मारून आत्महत्या केली. आज सकाळी ही घटना उघडकीस आली.
हेही वाचा नगर-पुणे महामार्ग बंद
सतीश आई-वडिलांसमवेत पोखरी गावाजवळील वस्तीवर राहत होता. त्यांची सहल जाणार असल्याने त्याने चार दिवसांपूर्वी वडिलांकडे दोन हजार रुपये मागितले होते. मात्र, परिस्थिती गरिबीची असल्याने वडिलांनी कसेबसे त्याला दीड हजार रुपये दिले होते. त्यानंतर सतीश चार दिवसांपासून बेपत्ता होता. त्याचा मृतदेह आज सकाळी विहिरीत आढळून आला.
आवश्य वाचा कधी थांबणार चोऱ्या
सतीश हुशार विद्यार्थी होता. त्याला बारावीत 78 टक्के गुण मिळाले होते. त्याचा मित्रपरिवारही मोठा आहे. मात्र, सतीशचा स्वभाव तापट असल्याचे त्याच्या मित्रांनी सांगितले. जगन्नाथ घुले यांचे कुटुंबीय मूळचे संगमनेर तालुक्यातील माळेगावचे आहे. तेथे त्यांना शेती नसल्याने त्यांनी पोखरी परिसरात थोडी शेती घेतली होती व त्यावरच ते उदरनिर्वाह करत आहेत.
हे पाहा यशवंतराव गडाख यांना जीवनगौरव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.