सांगली का गारठलीय...?

सांगली - सांगलीचा पारा गेल्या दोन दिवसात चांगलाच उतरला असून थंडीने सांगली गारठली आहे. आज सकाळी पारा 16 अंशांपर्यंत खाली उतरला होता. आणखी दोन-तीन दिवस थंडी अशीच राहण्याची शक्‍यता आहे. दुपारपर्यंत हवेत गारठा जाणवत होता. वास्तविक डिसेंबर महिन्यात जाणवणारा थंडीचा कडाका यंदा उशिरानेच दिसू लागला आहे.

दोन-तीन दिवस पारा उतरलेलाच राहणार

दोन दिवसांपुर्वीच कृष्णा नदीचे पात्र धुक्‍यात हरवले होते. त्यावेळी थंडी नव्हती. मात्र गुरुवारपासून पारा हळूहळू उतरु लागला. आज सकाळी नोंदवलेले तापमान 16 अंश होते. पहाटेपासूनचे बोचरी थंडी जाणवत होती. सकाळी थंडीचे प्रमाण चांगलेच वाढले. दुपारीही हवेत गारठा जाणवत होता. त्यामुळे सांगलीकर दुपारपर्यंत स्वेटर, मोजे, कानटोपी अशा गरम कपड्यातच वावरत होते.
गेल्या वर्षी पावसाळा नोव्हेंबरपर्यंत सुरु होता. डिसेंबरमध्येही अवकाळी पावसाने शेतकऱ्यांना दणका दिला होता. त्यामुळे थंडीचा मोसम लांबणार याची अपेक्षा होतीच. त्याप्रमाणे निम्मा जानेवारी संपल्यावर थंडीची चाहूल लागली आहे. त्यामुळे किती दिवस थंडीची हुडहुडी राहणार याचा नेमका अंदाज नसला तरी पुढील दोन-तीन दिवस पारा उतरलेलाच राहणार आहे.

पाहा - व्हिडिओ : उद्धवसाहेब त्यांचा बंदोबस्त करा..!