कातरखटाव (जि. सातारा) : नवरा बायकोचे नाते असल्याचे भासवून बनावट कागदपत्रे तयार करून गर्भपात करण्यासाठी आलेल्या जोडप्याला वडूज येथे अटक करण्यात आली आहे. हा प्रकार डाॅ. वेदिका आणि विवेकानंद माने यांच्या सतर्कतेमुळे उघडकीस आला आहे.
याबाबत पाेलिसांनी दिलेली अशी, वडूज येथील एका खासगी दवाखान्यात मंगळवारी ता. 11 भांडवलकर नावाचे जोडपे तपासणीसाठी आले होते. संजय भांडवलकर (रा. पाचवड ता. माण) असे त्याने स्वतःचे नाव सांगितले. आपली पत्नी गर्भवती आहे. सध्या तिचे शिक्षण सुरु आहे. त्यामुळे आम्हांला सध्या अपत्य नकोय. तरी आम्हांला गर्भपात करावयाचा आहे असे नमूद केले. ही सर्व माहिती संजय भांडवलकर यांनी डॉ. वेदिका विवेकानंद माने यांच्यापूढे सांगितली. डॉ. माने यांनी संबंधित महिलेची सोनोग्राफी केली. त्यामध्ये संबंधित महिलेस तीन महिन्यांच्या जिवंत गर्भ असल्याचे दिसून आले. डॉ. माने यांनी जाेडप्यास दुसऱ्या दिवशी येण्यास सांगितले. त्यानूसार हे जाेडपे बुधवारी (ता. 12) दुपारी साडेबारा वाजण्याच्या सुमारास पुन्हा डाॅ. माने यांच्या दवाखान्यात गेले. त्यावेळी डाॅ. माने यांनी संबंधित जाेडप्यास आधारकार्डची मागणी केली. संबंधित जाेडप्याने आधारकार्ड दाखविल्यानंतर त्यामध्ये तफावत आढळली.
डॉ. साै. माने आणि डॉ. विवेकानंद माने यांच्यात चर्चा झाली. चर्चेअंती आणि भांडवलकर यांच्या नात्यातील व्यक्तींचा डाॅ. श्री. माने यांचा परिचय हाेता. तसेच संजय भांडवलकर याच्या पत्नीला डाॅ. माने पहिल्यापासून ओळखत हाेते. त्यामुळे सदर जाेपडे हे पती - पत्नी नसल्याची खात्री माने दांपत्याची झाली. त्यामुळे डॉ. वेदिका माने यांनी वडूज पोलीस ठाण्यात दूरध्वनी करुन कर्मचारी बोलावून घेतले. तसेच त्या जोडप्यावर फिर्याद दाखल केली. सदर जोडप्याला वडूज पोलिसांनी ताब्यात घेतले. संबंधित महिलेची प्रकृती बिघडल्याने तिला जिल्हा रुग्णालयात दाखल करण्यात आले. या प्रकरणी पाेलिसांनी संजय भांडवलकर यास अटक करण्यात आली. या गुन्ह्याचा तपास पोलिस हवालदार विकास जाधव करीत आहेत.
वाचा : ...थालीपीट,पुरणपोळीपासून बिर्याणीपर्यंत सारे काही
हेही वाचा : सातारकर संतप्त मुलींनी युवकाला चोपले
वाचा : जय शिवराय ! अखेर शिवप्रेमींनी करुन दाखवलंच
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
