अवघडचंय! कामाचा व्याप 383 गावांचा अन् कर्मचारी फक्त 21
पंढरपूर (सोलापूर) : पंढरपूरसह विभागातील चार तालुक्यांतील सुमारे 383 गावांतील शेतीचा डोलारा सांभाळणाऱ्या येथील उपविभागीय कृषी कार्यालयात अधिकारी आणि कर्मचाऱ्यांची अनेक महत्त्वाची पदे रिक्त आहेत. रिक्त पदांमुळे येथील कार्यालयातील शेतीविषयक कामे रखडली आहेत. कामे वेळेवर होत नसल्याने शेतकऱ्यांच्या गैरसोयी वाढल्या आहेत. या ठिकाणी सध्या फक्त 21 कर्मचारी आहेत.
हेही वाचा : बलात्कार्यांचा जागेवर 'फैसला'
शेतीविषयक योजना
पंढरपूरसह सांगोला, मंगळेवढा आणि माळशिरस या चार तालुक्यांसाठी पंढरपूर येथे उपविभागीय कृषी कार्यालय आहे. येथील कार्यालयातूनच शासनाच्या शेतीविषयक योजना राबवल्या जातात. येथील उपविभागीय कार्यालयासाठी शासनाने दोन कृषी अधिकाऱ्यांसह विविध 48 पदे मंजूर केली आहेत. सुरवातीच्या काळात ही सर्व पदे भरण्यात आली होती. परंतु अलीकडे अनेक अधिकारी आणि कर्मचारी सेवानिवृत्त झाल्यामुळे पदांची संख्या कमी झाली आहे. कमी झालेले रिक्त पदे अद्यापपर्यंत भरली गेली नाहीत. त्यामुळे सध्या कार्यरत असलेल्या 21 अधिकारी आणि कर्मचाऱ्यांवरच चारही तालुक्यांतील कामाचा भार पडला आहे. कर्मचारी कमी आणि काम जास्त, अशीच काहीशी स्थिती येथील कार्यालयात निर्माण झाली आहे.
हेही वाचा : उपमुख्यमंत्री पदासाठी अजित पवारांची मनधरणी!
कामकाजावर परिणाम
सध्या या विभागातून ठिबक सिंचन, शेततळी, फळबाग लागवड योजना, कृषी सल्ला, कृषी अवजारांचे वाटप, यांत्रिकीकरण, विविध पीक प्रात्यक्षिके, शेतीशाळा यासह शासनाचे विविध उपक्रम देखील राबवले जातात. दरम्यान, कार्यालयीन कामकाजातील कर्मचाऱ्यांची संख्या कमी झाल्याने दैनंदिन कामकाजावर देखील याचा परिणाम झाला. परिणामी, शेतकऱ्यांची कामे रखडली आहेत. तर दुसरीकडे अपुऱ्या कर्मचाऱ्यांमुळे उपविभागीय अधिकाऱ्यांना मोठी कसरत करावी लागत आहे.
हेही वाचा : कशामुळे हे गाव पडले ओस....
ही आहेत रिक्त पदे
कृषी अधिकारी- दोन, कृषी पर्यवेक्षक- दोन, कृषी साहाय्यक- दोन, वरिष्ठ लिपिक- एक, लिपिक- एक, अनुरेखक- दोन, शिपाई- दोन, पहारेकरी- एक, रोपमळा मदतनीस- चार, ग्रेडवन मजूर- 10 अशी विविध प्रकारची 27 पदे रिक्त आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.