"दहावीची परिक्षा त्या तारखेलाच होणार, अफवांवर विश्वास ठेवू नये"

बेळगाव : दहावी परीक्षेच्या वेळापत्रकात बदल झाल्याची माहिती सोशल मीडियावर फिरू लागली आहे. मात्र शिक्षण खात्याने परीक्षेच्या वेळापत्रकात कोणत्याही प्रकारचा बदल झालेला नसून परीक्षा 27 मार्चपासूनच सुरू होईल असे स्पष्ट केले आहे.

हे पण वाचा - video - कोरोनामुळे उतरला भाव अन् बहाद्दराने फुकट वाटल्या चार कोटींच्या कोंबड्या  

कोरोनामुळे खबरदारी म्हणून शिक्षण खात्याने पहिली ते 6 वी पर्यंतच्या परीक्षा लवकर घेण्याचा निर्णय घेतला आहे. त्यानुसार परीक्षांना सुरुवात झाली आहे. कोरोनामुळे पहिली ते 6 वीच्या वेळापत्रकात बदल करण्यात आल्यानंतर गुरुवारी सकाळपासून काही जणांनी दहावीच्या परीक्षा वेळापत्रकात बदल झाल्याची माहिती सोशल मीडियावर टाकली. त्यामुळे विध्यार्थी व शिक्षकांना मोठ्या प्रमाणात संभ्रमावस्था निर्माण झाली होती. तसेच प्रत्येकजण नवीन वेळापत्रकाबाबत विचारणा करून खात्री करून घेत होता. मात्र शिक्षण खात्याने वेळापत्रकात कोणताही बदल झालेला नसून परीक्षा अगोदर जाहीर करण्यात आलेल्या वेळापत्रका प्रमाणेच पार पडणार असल्याचे कळविले आहे.

त्यामुळे काही जणांनी जाणीवपूर्वक परीक्षेच्या वेळापत्रकात बदल झाल्याची माहिती सोशल मीडियावर टाकून विध्यार्थामध्ये संभ्रम निर्माण केल्याचे दिसून आले आहे. मात्र विध्यार्थानी कोणत्याही प्रकारच्या अफवांवर विश्वास ठेवू नये, असे आवाहन करण्यात आले आहे. 27 मार्च ते 9 एप्रिल या कालावधीत दहावीची परीक्षा होणार आहे. शिक्षण खात्याने परीक्षेची सर्व तयारी पूर्ण केली असून विध्यार्थी परीक्षेच्या तयारीत गुंतले आहेत. मात्र काही जणांकडून जाणीवपूर्वक अफवा पसरविल्या जात आहेत. यापासून विध्यार्थीनी दूर राहणे आवश्यक आहे. 

हे पण वाचा -  आता कोरोनावरही आले गाणे....

वेळापत्रकात कोणत्याही प्रकारचा बदल झालेला नाही. अफवांकडे विध्यार्थीनी लक्ष देऊ नये. काही बदल झाल्यास शिक्षण खात्याकडून अधिकृत माहिती जाहीर केली जाईल. शिक्षकांनी विध्यार्थांना मार्गदर्शन करावे. 
ए. बी. पुंडलिक, जिल्हा शिक्षणाधिकारी