पिंपरी : युडायस अपडेट न केल्यामुळे शाळांवर ही कारवाई

पिंपरी : प्रत्येका माध्यमांच्या शाळांना मान्यता आवश्‍यकता असते आणि शाळेची शासन दरबारी मान्यता टिकवून ठेवण्यासाठी, युडायस पल्समध्ये शाळेची माहिती भरून देणे आवश्‍यक असते. परंतु, पिंपरी चिंचवड शहरातील 657 पैकी निव्वळ 195 शाळांनीच युडायस पल्स क्रमांक प्रमाणित करून घेतला. मात्र, उर्वरित 462 शाळांनी अद्याप युडायस क्रमांक अद्यावत न केल्यामुळे शिक्षण विभागाने त्यांच्यावर कारवाईचा बडगा उगारला आहे.

ताज्या बातम्यांसाठी डाऊनलोड करा ई-सकाळचे ऍप   

शिक्षण विभागाकडून वेळोवेळी सूचना देऊन व प्रलंबित यादीतील अनेक शाळांनी अद्याप शाळेचा युडायस क्रमांक प्रमाणित करून घेतला नाही. त्यामुळे शिक्षण विभागाने शाळांना शाळेला कारवाईचा इशारा दिला आहे. शहरातील 657 पैकी 195 शाळांनी प्रमाणित केले आहे. शाळांनी प्रमाणित केल्याशिवाय दरवर्षी सप्टेंबरमध्ये संचमान्यता, शालेय विकास आराखडा, शालेय पोषण आहार माहितीसह शाळेची भौतिक सुविधांची माहिती अपडेट करावयाची असते.

पिंपरी चिंचवडच्या बातम्या वाचण्यासाठी येथे ► क्लिक करा

यावर्षी एप्रिल महिन्याच्या सुरुवातीस युडायस प्लस ही 2020-21 शैक्षणिक वर्षीची माहिती भरुन देणे आवश्‍यक असते. लॉकडाउनमुळे 
शिक्षकांनी ऑनलाइन एप्रिल महिन्यामध्ये द्वितीय संकलित मूल्यमापनानुसार गुणपत्रक तयार करणे, संकलित, आकारिक मूल्यमापन नोंदवही तयार करणे हे काम वेळेत पूर्ण केली, पण युडायस प्लस व इतर कामे ऐनवेळी सोपविल्याने कामाचा व्याप वाढल्याचे शिक्षकांचे म्हणणे आहे. त्यामुळेच शाळेचा यु-डायस क्रमांक, शाळेचा यूजर आयडी ,पासवर्ड आदी अपडेट करता आले नाही. प्रशासन अधिकारी ज्योत्सना शिंदे म्हणाल्या, "ज्या शाळांनी सर्टिफाय करून घेतले नाही, अशा शाळांना शिक्षण विभागामार्फत नोटीस दिली जाणार आहे."

पुण्याच्या बातम्या वाचण्यासाठी येथे ► क्लिक करा