हिंजवडी - जॉर्डन येथे १० ते १८ जुलै दरम्यान होणाऱ्या एशियन चॅम्पियनशिप स्पर्धेसाठी आयटी पार्क मारुंजी येथील पै. अमोल बुचडे कुस्ती अकादमीच्या ओंकार कराळे (३८ किलो) व सोहमराज मोरे (७५ किलो) या दोन कुस्तीगीरांनी ग्रीको रोमन प्रकारासाठी भारतीय संघात आपली जागा पक्की केली आहे.
सोनिपत येथे ७ जुन रोजी अस्थायी-समिती भारतीय कुस्ती महासंघाने आयोजित केलेल्या खुल्या १५ वर्षाआतील भारतीय संघ निवड चाचणीमध्ये उत्कृष्ठ कामगीरी करत या मल्लांनी उत्तरेतील मल्लांना जशास तसे उत्तर देत स्थान पक्के केले आहे.
रुस्तम-ए-हिंद पै. अमोल बुचडे, पै. विनोद गोरे, नरेंद्र कुमार, पवन गोरे, प्रा. किसन बुचडे, पै. महेश घुले, कपिल बुचडे, डॉ. संतोष पवार यांच्या मार्गदर्शनाखाली अमोल बुचडे कुस्ती अकादमीत हे मल्ल चार वर्षांपासून सराव करत आहेत.
निवड झाल्यानंतर या दोघा पैलवानांचे व त्यांच्या कुटुंबीयाचे अकादमीच्या वतीने अभिनंदन करण्यात आले. यावेळी सकाळशी बोलताना पै. अमोल बुचडे म्हणाले, आंतरराष्ट्रीय पातळीवरील स्पर्धा डोळ्यासमोर ठेवून आंतराष्ट्रीय दर्जाचे गुणवंत मल्ल घडविण्यासाठीच आंतराष्ट्रीय दर्जाची अकादमी सकारण्यात आली आहे.
त्याचाच हा पहिला टप्पा असून, येत्या काळात आशियाई, जागतिक आणि ऑलम्पिक स्पर्धेत राज्यातील मल्लांनी देशाचे प्रतिनिधित्व जास्तीत जास्त पदकांची कमाई करावी. हे आमचे उद्दिष्टे असून त्यादृष्टीने आम्ही सर्वजण मेहनत घेत आहोत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
