पिंपरी - काँग्रेस, राष्ट्रवादी काँग्रेस व शिवसेना यांची महाविकास आघाडी सव्वा वर्षापूर्वी राज्यात सत्तेत आली आणि शहरातील राजकीय समीकरणेही बदलली. महापालिकेतील सत्ताधारी भाजपशी शिवसेनेने दुरावा धरला. आता सर्वसाधारण सभा, स्थायी समिती, अन्य विषय समित्यांच्या सभा, विकास कामांचे भूमिपूजन, उद्घाटने, सभा असो की आंदोलने अशा ठिकाणी राष्ट्रवादी व शिवसेनेचे पदाधिकारी साथ-साथ असतात. मात्र, त्यांचा मित्रपक्ष काँग्रेस एकाकी पडला आहे. त्यांचे महापालिकेत अस्तित्वच नाही आणि बाहेरील कार्यक्रमांतही त्यांचे पदाधिकारी राष्ट्रवादी व शिवसेनेसोबत येत नाहीत, अशी स्थिती आहे.
- पुण्याच्या बातम्या वाचण्यासाठी येथे ► क्लिक करा
काँग्रेसचा बालेकिल्ला अशी वीस वर्षांपूर्वी शहराची ओळख होती. मात्र, हळूहळू हा बालेकिल्ला राष्ट्रवादीच्या ताब्यात गेला. पंधरा वर्ष सत्ताधारी राहिले. त्यांच्यातील काही जणांनी पक्षांतर केले आणि महापालिका सभागृहात बोटावर मोजण्याइतके अस्तित्व असलेला भाजप एकहाती सत्ताधारी झाला. त्यांना राज्यातील तत्कालीन मित्रपक्ष शिवसेनेचीही गरज पडली नाही.
दरम्यान, लोकसभा व विधानसभा मतदारसंघ पुनर्रचनेचाही मोठा परिणाम शहराच्या राजकीय घडामोडींवर घडला. एक लोकसभा व एक विधानसभा मतदारसंघाऐवजी दोन लोकसभा व तीन विधानसभा मतदारसंघात शहर विभागले गेले. राजकीय अस्तित्वासाठी अनेकांनी पक्षांतर केले. त्यात सर्वांत मोठे नुकसान काँग्रेसचे झाले. त्यांचे दिग्गज शिलेदार राष्ट्रवादीत गेले. काही शिवसेनेत गेले. २०१७ च्या महापालिका निवडणुकीत तर त्यांचे अस्तित्वच नष्ट झाले. सध्या काँग्रेसचा एकही नगरसेवक नाही. दरम्यानच्या काळात सव्वावर्षांपूर्वी राज्यात महाविकास आघाडी सरकार स्थापन झाल्यानंतर शहर काँग्रेसला उभारी मिळेल, अशी स्थिती निर्माण झाली होती. परंतु, त्यात सक्षमता दिसलीच नाही. राष्ट्रवादी व शिवसेना मात्र एकमेकांच्या हातात हात घालून काम करीत असल्याचे महापालिका सभागृहात आणि शहरातील घटनांवरून दिसून आले आहे.
राष्ट्रवादी-शिवसेना साथ-साथ
Edited By - Prashant Patil
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.