पिंपरी-चिंचवड शहरातील सर्व दुकाने उद्यापासून होणार सुरु

पिंपरी - शहरातील सर्व दुकाने (Shops) उद्या मंगळवारपासून (Tuesday) सकाळी ७ ते दुपारी २ वाजेपर्यंत दर सोमवारी (Monday) ते शुक्रवारी (Friday) सुरू राहतील. तर, शनिवारी आणि रविवारी केवळ अत्यावश्यक सेवांमधील दुकाने सुरू राहणार आहेत. याबाबत महापालिका आयुक्त राजेश पाटील (Rajesh Patil) यांनी शहरातील नव्या निर्बंधांबाबतचा आदेश जारी केला आहे. (Pimpri Chinchwad All Shops Open Tomorrow)

मुख्यमंत्र्यांनी राज्यातील लॉकडाउनचे निर्बंध १५ जूनपर्यंत कायम ठेवण्याची घोषणा केली. पुढील दहा दिवसांसाठी हा आदेश असणार आहे. पीएमपीएमएल बस सेवा अत्यावश्यक सेवेत काम करणार्‍यांसाठी सुरू राहणार आहे, इतर नागरिकांना त्याद्वारे प्रवास करता येणार नाही.याशिवाय, शहरातील उद्यानं, व्यामशाळा (जिम), हॉटेल बंद राहणार असून, पार्सल सुरू राहणार आहे. या पार्श्वभूमीवर

सुधारित आदेश…

१. अत्यावश्यक सेवामधील नमूद दुकाने ही आठवड्यातील सर्व दिवस सकाळी ७ ते दुपारी २ वाजपेर्यंत सुरू राहातील.

२. मनपा क्षेत्रातील सर्व बँका कामाचे सर्व दिवस सुरू राहातील.

३. अत्यावश्यक दुकाना व्यतिरिक्त इतर दुकाने सोमवार ते शुक्रवार सकाळी ७ ते दुपारी २ वाजपेर्यंत सुरू राहणार आहेत. रेस्टॉरंट व बार हे केवळ पार्सल व घरपोच सेवेसाठी सुरू राहतील.

३. ई-कॉमर्स मार्फत अत्यावश्यक वस्तू व सेवा तसेच अत्यावश्यक व्यतिरिक्त वस्तू यांची घरपोच सेवा सुरू करण्यास मूभा राहील.

४. दुपारी ३ वाजेनंतर वैद्यकीय सेवा व इतर अत्यावश्यक कारण, अत्यावश्यक सेवा वगळता नागरिकांना घराबाहेर पडण्यास संपूर्णत: प्रतिबंध राहील.

७. सर्व शासकीय कार्यालये २५ टक्के अधिकारी, कर्मचाऱ्यांच्या उपस्थितीत सुरू राहतील.

८. मद्य विक्रीची दुकाने आठवड्यातील सर्व दिवस सकाळी ७ ते दुपारी २ वाजपेर्यंत सुरू राहतील.