Pune Sex Racket: मुंबईत मागील काही दिवसांपुर्वी एका पंचतारांकित हॉटेलवर पोलिसांनी छापा टाकून एका प्रसिध्द भोजपुरी अभिनेत्रीला सेक्स रॅकेट चालवताना रंगे हात पकडलं होत. त्यानंतर आता पुन्हा एकदा पुण्यात पोलिसांनी सेक्स रॅकेटचा पर्दाफाश केला आहे.
पुण्यातील पिंपरी-चिंचवड मधील एका पंचतारांकित हॉटेलवर पोलिसांनी छापा टाकून सेक्स रॅकेटचा पर्दाफाश केला असून त्यामध्ये भोजपुरी अभिनेत्रीसह दोन महिलांची सुटका करण्यात आली आहे. या प्रकरणी पुणे पोलिसांनी तिघांना अटक केली आहे.
या तिघांनी अभिनेत्री आणि एका मॉडेलला वेश्याव्यवसाय करण्यास प्रवृत्त केले होते. पुणे पोलिसांना पिंपरी-चिंचवड येथी एका पंचतारांकित हॉटेलमध्ये वेश्या व्यवसाय सुरू असल्याची गुप्त माहिती मिळाली होती. त्यानंतर पोलिसांनी सापळा रचून सेक्स रॅकेटचा पर्दाफाश केला.
पोलिसांनी प्रबीर मजुमदार, दिनेश यादव आणि विराज यादव या आरोपींना अटक केली आहे. आरोपींनी या मुलींना जास्त पैशांचे आश्वासन देऊन वेश्याव्यवसायात अडकवले होते.
या सेक्स रॅकेटचे धागेदोरे लांब पर्यंत असण्याची शक्यता पोलिसांना आहे. ग्लॅमर इंडस्ट्रीतील इतर महिलांचाही यात सहभाग आहे का? यासंदर्भात पोलिसांनी तपास करत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.