esakal | पिंपरी : कोव्हिशिल्डचे १६,५००; कोव्हॅक्सिनचे ४,८०० डोस
sakal

बोलून बातमी शोधा

corona vaccination

पिंपरी : कोव्हिशिल्डचे १६,५००; कोव्हॅक्सिनचे ४,८०० डोस

sakal_logo
By
सकाळ वृत्तसेवा

पिंपरी : महापालिकेतर्फे कोव्हिशिल्ड लशीचे १६ हजार ५०० व कोव्हॅक्सिन लशीचे चार हजार ८०० असे २१ हजार ३०० डोस उपलब्ध झाले आहेत. ते देण्याची व्यवस्था गुरुवारी (ता. ९) ६३ केंद्रांवर केली आहे. ज्येष्ठ नागरिक, दिव्यांग व तृतीयपंथी लाभार्थींना प्राधान्य दिले जाणार आहे. स्तनदा माता व गर्भवतींसाठी काही डोस राखीव ठेवले आहेत, असे महापालिकेच्या वैद्यकीय विभागाने कळविले आहे.

हेही वाचा: सुशिक्षित व सुसंस्कृत राज्यकर्त्यांची देशाला गरज : विक्रम गोखले

इएसआय हॉस्पिटल मोहननगर, प्रेमलोक पार्क दवाखाना चिंचवड, नेत्र रुग्णालय मासुळकर कॉलनी, जुने खिंवसरा पाटील रुग्णालय थेरगाव, नवीन भोसरी रुग्णालय, स्वामी समर्थ बॅडमिंटन हॉल शिवतेजनगर, जुने जिजामाता रुग्णालय पिंपरी, अहिल्यादेवी होळकर स्कूल जुनी सांगवी या आठ केंद्रांवर कोव्हॅक्सिन लस दिली जाणार आहे. मात्र, पहिला डोस घेऊन २८ दिवस झालेल्यांनाच दुसरा डोस दिला जाणार आहे. प्रत्येक केंद्रावर सहाशे डोस उपलब्ध आहेत. त्यातील प्रत्येकी तीनशे डोस पहिला व दुसरा डोस घेणाऱ्यांसाठी राखीव आहेत. कोव्हिशिल्ड लस ५५ केंद्रांवर दिली जाणार आहे.

हेही वाचा: पिंपरी : बोगस शिक्षक भरती प्रकरण

प्रत्येकी तीनशे डोस प्रत्येक केंद्रावर उपलब्ध आहेत. मात्र, पहिला डोस घेऊन ८४ दिवस झालेल्यांना दुसरा डोस दिला जाणार आहे. पाच टक्के डोस ऑनलाइन नोंदणी करून, वीस टक्के डोस किऑक्स यंत्रणेद्वारे टोकन घेऊन आणि ७५ टक्के डोस ‘ऑन दि स्पॉट’ नोंदणीकरून दिले जातील. सकाळी दहा ते सायंकाळी पाच अशी लसीकरणाची वेळ आहे. ‘कोविन ॲप’वर सकाळी आठ वाजता नोंदणी सुरू होईल. किऑक्स यंत्रणेद्वारे टोकन घेतलेल्या मात्र, लसीकरणाबाबत एसएमएस आलेल्या नागरिकांनाच लस दिली जाईल.

हेही वाचा: Pune : पुणे विद्यापीठात ‘स्मार्ट ट्रेनिंग’ सुरू

गर्भवतींना आठ केंद्रांवर लस

गर्भवती व स्तनदा मातांना सावित्रीबाई फुले स्कूल भोसरी, कुटे हॉस्पिटल आकुर्डी, उर्दू प्राथमिक शाळा काळभोर गोठा यमुनानगर, आचार्य अत्रे सभागृह संत तुकारामनगर पिंपरी, अहिल्यादेवी होळकर स्कूल जुनी सांगवी, खिंवसरा पाटील रुग्णालय थेरगाव, जुने जिजामाता रुग्णालय पिंपरी आणि जुने तालेरा रुग्णालय चिंचवड या केंद्रांवर लस दिली जाणार आहे

loading image
go to top