पिंपरी-चिंचवड : निगडी उड्डाणपुलाचे उद्‌घाटनावरून राजकारण

पिंपरी - निगडी येथील भक्ती शक्ती चौकात उभारण्यात आलेल्या उड्डाणपुलाच्या उद्‌घाटनावरून राजकारण रंगले आहे. या पुलाचे सत्ताधारी भाजपच्यावतीने महापौर माई ढोरे यांच्या हस्ते उद्या (ता.10) उद्‌घाटन होणार आहे. त्याआधीच शहर राष्ट्रवादीने शहराध्यक्षांच्या हस्ते आज (ता.9) उड्डाणपुलाचे उद्घाटन करून सत्ताधारी भाजपला जोरदार चपराक दिली आहे. श्रेय लाटण्यासाठी रंगलेल्या उद्‌घाटन नाट्याची चर्चा चांगलीच रंगली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

गेल्या दोन वर्षापासून महापालिकेच्यावतीने निगडीतील भक्ती शक्ती चौकात उड्डाणपुलाचे काम युद्धपातळीवर सुरू आहे. या उड्डाणपुलाचे काम पूर्ण होण्यासाठी आणखी काही महिन्यांचा कालावधी लागणार असल्याने पुणे-मुंबई महामार्गावरील वाहतूक वळविण्यात आली आहे. त्यामुळे वाहनांना दोन ते अडीच किलोमीटरचा वळसा घालून जावे लागत होते. उड्डाणपूल सुरू करण्याबाबत अनेकांनी महापौरांना निवेदन दिले होते. आता उड्डाणपुलावरील पुणे-मुंबई महामार्गाचे दोन्ही बाजूंच्या लेनचे काम पूर्ण झाले आहे. त्यामुळे आता वळसा घालण्याची गरज राहणार नसून पुणे-मुंबई महामार्गावरील उड्डाणपुलाचे उद्घाटन गुरुवारी (ता.10) सकाळी दहा वाजता झाल्यानंतर दोन्ही बाजूंची थेट वाहतूक लगेचच सुरू करण्यात येणार आहे, अशी माहिती महापालिकेने दिली.

विविध अभ्यासक्रमांच्या प्रवेश प्रक्रियेविषयी मार्गदर्शन; चिंचवडमध्ये १३ डिसेंबर रोजी आयोजन

दरम्यान, स्थानिक नगरसेवक मिसाळ यांनी राष्ट्रवादीचे शहराध्यक्ष संजोग वाघेरे यांच्या हस्ते उद्‌घाटन उरकून आज उड्डाणपूल वाहतुकीसाठी खुला केल्याचे सांगितले. ते म्हणाले, 'शहराचा विकास राष्ट्रवादीच्या काळात झाला आहे. त्यामुळे कोणीही श्रेय लाटू नये.' यावेळी कार्याध्यक्ष प्रशांत शितोळे, नगरसेविका सुमनताई पवळे, महिला अध्यक्षा वैशाली काळभोर, युवती अध्यक्ष वर्षा जगताप, विशाल काळभोर, माजी शिक्षण मंडळ सभापती विजय लोखंडे, प्रवक्ते फजल शेख आदी उपस्थित होते.

माईक तोडले, ग्लास फोडले, कागदपत्रे फाडली; स्थायी समिती सभेत गोंधळ 

Edited By - Prashant Patil