पुणे : तळेगावात कोरोनाबाधित महिलेसह एका पुरुषाचा मृत्यू

In Pune A man along with a woman with corona died in Talegaon
In Pune A man along with a woman with corona died in Talegaon

तळेगाव स्टेशन(पुणे): तळेगावातील डाॅ.भाऊसाहेब सरदेसाई ग्रामीण रुग्णालयातील कोविड हाॅस्पिटलमध्ये उपचार घेणाऱ्या तळेगावातील पंचावन्न वर्षीय महिलेसह देहूरोड येथील बेचाळीस वर्षीय पुरुषाचा मृत्यू झाला आहे.

ताज्या बातम्यांसाठी डाऊनलोड करा ई-सकाळचे ऍप    
पुण्याच्या बातम्या वाचण्यासाठी येथे ► क्लिक करा

भाजीविक्रेता महिलेला लक्षणे जाणवत असल्याने गेल्या २५ जुनला दाखल करण्यात आले होते. २६ जुनला घेतलेल्या स्वॅबचा तपासणी अहवाल निगेटीव्ह आला होता. २७ जुनला तिच्या मुलाचा कोरोना अहवाल पाॅझिटीव्ह आल्याने या महीलेच्या दुसऱ्यांदा घेतलेल्या स्वॅबचा कोविड-१९ तपासणी अहवाल पाॅझिटीव्ह आला. श्वासोच्छ्वासाला त्रास होत असल्याने गेले सहा दिवस ती व्हेंन्टीलेटरवर होती. आज शनिवारी (ता.०४) सकाळी पावणे सातला या महिलेचा मृत्यू झाला.

कोरोनाला रोखण्यासाठी पुणे पोलिसांचे आणखी एक पाऊल; नागरिकांच्या प्रवासावर येणार...
 

कोरोनासदृष्य लक्षणे आढळल्याने देहूरोड परिसरातील एका ४२ वर्षीय पुरुषाला ३० जुनला उपचारासाठी दाखल करण्यात आले होते. २ जुलैला त्याचा पहिला कोरोना चाचणी अहवाल निगेटीव्ह आला. मात्र, सदर रुग्णाच्या जवळच्या संपर्कातील कंपनीच्या सहकाऱ्याचा कोविड चाचणी अहवाल पाॅझिटीव्ह आला असल्यामुळे पुन्हा शुक्रवारी (ता.०३) दुसरा स्वॅब घेऊन तपासणीसाठी पाठविण्यात आला. त्याचा अहवाल येणे बाकी आहे. त्यापुर्वीच शुक्रवारी (ता.०३) रात्री साडेदहाला या रुग्णाचा मृत्यू झाला अशी माहीती तळेगाव प्राथमिक आरोग्य केंद्राचे वैदयकीय अधिकारी डाॅ प्रवीण कानडे यांनी दिली.

'पुणेरी पाटी'ने सुरु केलं ऑनलाइन युद्ध, विषय हैदराबादी बिर्याणीचा 

तळेगाव दाभाडे नगरपरिषद हद्दीतील आढळलेल्या कोरोना बाधितांची संख्या आजपर्यंत ४१ झाली आहे. यापैकी १३ जण कोरोनामुक्त होऊन घरी परतले तर २६ जणांवर उपचार चालू आहेत. तळेगाव नगरपरिषद हद्दीत कोरोनामुळे मृत्यू झालेल्यांची संख्या आता दोन झाली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com