Sakal Vidya : दहावीनंतरच्या शिक्षणाबाबत चिंचवडला उद्या चर्चासत्र

पिंपरी - नवीन शैक्षणिक धोरण आणि अभ्यासक्रम आणि परीक्षा पद्धतीत बदल? याबाबत विद्यार्थी, पालक व शिक्षकांमध्ये चर्चा आहे. त्याची माहिती जाणून घेण्यासाठी ‘सकाळ विद्या’ आणि ‘क्रिएटिव्ह ॲकॅडमी व ‘लर्निंग लेन्स ॲकॅडमी यांच्यातर्फे शनिवारी (ता. १०) चर्चासत्र आयोजित केले आहे. याचा लाभ सातवी ते दहावीच्या विद्यार्थ्यांसह पालक व शिक्षकांनाही होणार आहे.

चिंचवड येथील प्रा. रामकृष्ण मोरे प्रेक्षागृहात शनिवारी (ता. १०) सायंकाळी पाच वाजता चर्चासत्रास सुरवात होईल. शालेय अभ्यासक्रम, प्रश्नपत्रिका व विषयानुरूप झालेले बदल समजून घेण्यासाठी विद्यार्थी व पालकांसाठी चर्चासत्र महत्त्वाचे ठरणार आहे. यात संपूर्ण अभ्यासक्रम व मूल्यमापन पद्धत, विषयानुरूप योग्य नियोजन व आकलनावर भर असेल.

बदललेल्या अभ्यासक्रमानुसार प्रश्नपत्रिकांचे स्वरूप कसे असेल, या अनुषंगाने अभ्यास व वेळेचे नियोजन कसे असावे. अभ्यास कसा करावा, परीक्षेचे ओझे न बाळगता कसे सामोरे जावे. याविषयी समुपदेशन केले जाणार आहे. पुण्यातील ‘क्रिएटिव्ह ॲकॅडमीचे नौशाद शेख आणि ‘लर्निंग लेन्स ॲकॅडमीचे इम्रान शेख मार्गदर्शन करतील.

दहावीचा अभ्यासक्रम व परीक्षा पॅटर्नमध्ये बदल झाल्याने नवीन पद्धतीप्रमाणे अभ्यासाचे नियोजन करताना विद्यार्थी व पालकांना योग्य मार्गदर्शन चर्चासत्रातून मिळणार आहे. दहावीनंतर मेडिकल, इंजिनिअरिंगव्यतिरिक्त उपलब्ध असणारे करिअरची पर्याय, विद्यार्थ्यांचा कल पाहून योग्य पर्यायांची निवड कशी करावी. दहावीनंतर होणाऱ्या विविध परीक्षा, तसेच राष्ट्रीय व आंतरराष्ट्रीयस्तर नामांकित शिक्षण संस्था व तयारी कशी करावी, याविषयी मार्गदर्शन चर्चासत्रातून मिळेल.

काय? कधी? कुठे? केव्हा?

काय? : ‘दहावीनंतरचे शिक्षण’ विषयावर चर्चासत्र

कधी? : शनिवार, ता. १० जून

कुठे? : प्रा. रामकृष्ण मोरे प्रेक्षागृह, चिंचवड

केव्हा? : सायंकाळी ५ वाजता

संपर्क : ८३७८९८७८३६

प्रवेश : विद्यार्थी व पालकांसाठी विनामूल्य