Video :...म्हणून पिंपरीतील सॅनिटायझर टनेल बंद

पिंपरी : कोरोनाचा प्रसार सुरू झाल्यानंतर काही दिवसांपूर्वी ठिकठिकाणी व्यक्ती, कंपन्या यांच्या वतीने बसविण्यात आलेले सॅनिटायझर टनेलपैकी काही बंद आहेत. तर काही व्यवस्थित सुरू असल्याचे शनिवारी (ता. ९) दिसून आले. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा 

पोलिस आयुक्त कार्यालय, महापालिकेची मुख्य प्रशासकीय इमारतीसह शहरातील विविध पोलिस ठाणी, भाजी मंडई आदी सॅनिटायझर टनेल बसविण्यात आले होते. काही कंपन्यांनी अशी टनेल मोफत बसविली होती. एका लोखंडी चौकटीभोवती प्लॅस्टिकचा जाड कागद लपेटून हे टनेल केले आहे. आतील बाजूने दोन बारीक पाईप लावले आहेत. या चौकटीच्या बाहेर ठेवलेल्या प्लॅस्टिकच्या टाकीत सॅनिटायझर भरलेले असते. आतील बाजूच्या नळीला टाकीतील पाईप जोडलेला असतो. जेव्हा एखादी व्यक्ती या टनेलमधून जाते, तेव्हा त्याच्यावर सॅनिटायझरचा शिडकावा होतो. 

कोठे बंद-कोठे सुरू

पोलिस आयुक्तालयाच्या प्रवेशद्वाराजवळ आणि इमारतीलगत, असे दोन सॅनिटायझर टनेल होते. मात्र, जागतिक आरोग्य संघटनेने सॅनिटायझर टनेलमधून जाणे आरोग्यास अपायकारक असल्याचे जाहीर केले. त्यानंतर पोलिस आयुक्तालयासह विविध पोलिस ठाण्यांमधील टनेल बंद करण्यात आली आहेत. चिंचवडगाव-काळेवाडी रस्त्यावरील तालेरा मैदानावर सध्या तात्पुरत्या स्वरूपात भाजीमंडई भरते. तेथेही अशाच पद्धतीचे टनेल बसविण्यात आले होते. भाजी मंडई सुरू झाल्यानंतर सुरवातीचे काही दिवस ते व्यवस्थित सुरू होते. 

पिंपरी चिंचवडच्या बातम्या वाचण्यासाठी येथे ► क्लिक करा

मात्र, गेल्या काही दिवसांपासून ते बंद आहे. त्याऐवजी मंडईत जाणाऱ्या ग्राहकाच्या हातावर महापालिकेच्या कर्मचारी सॅनिटायझरचे काही थेंब टाकतो. त्यानंतरच ग्राहक पुढे भाजी खरेदीसाठी जातो. या टनेलमधून गेल्यानंतर हाताची त्वचा काळी पडते, अशा तक्रारी अनेक ग्राहकांनी केल्यामुळे अखेर स्प्रिकलिंग थांबविण्यात आले आहे. मोरवाडी येथील सम्राट चौकाजवळील मोकळ्या मैदानात सुरू असलेल्या भाजीमंडईच्या आवारात आणि महापालिकेच्या मुख्य प्रशासकीय इमारतीच्या आवारातील टनेल मात्र, सुरु आहे.