esakal | पिंपरी-चिंचवडकरांनो, सर्दी, खोकल्याची लक्षणे आढळल्यास डॉक्‍टरांना भेटा 
sakal

बोलून बातमी शोधा

पिंपरी-चिंचवडकरांनो, सर्दी, खोकल्याची लक्षणे आढळल्यास डॉक्‍टरांना भेटा 
  • डॉ. पवन साळवे यांचे नागरिकांना आवाहन 

पिंपरी-चिंचवडकरांनो, सर्दी, खोकल्याची लक्षणे आढळल्यास डॉक्‍टरांना भेटा 

sakal_logo
By
सकाळवृत्तसेवा

पिंपरी : 'पावसामुळे कोरोनाचा प्रादुर्भाव वाढू शकतो,' असा संदेश सोशल मीडियावर व्हायरल होत आहे. त्यामुळे नागरिकांमध्ये भीतीचे वातावरण निर्माण झाले आहे. या पार्श्‍वभूमीवर 'कोणत्याही कारणामुळे सर्दी, खोकला, ताप, अंगदुखी अशी लक्षणे आढळल्यास नागरिकांनी त्याकडे दुर्लक्ष न करता त्वरित तपासणी करून घ्यावी,' असे आवाहन महापालिकेचे अतिरिक्त आरोग्य वैद्यकीय अधिकारी डॉ. पवन साळवे यांनी केले आहे. 

पिंपरी-चिंचवडकर म्हणतायेत, 'पाणी ओसरलं, पण दुर्गंधीचं काय?' 

'सकाळ'शी बोलताना डॉ. साळवे म्हणाले, "पावसात भिजल्यामुळे सर्दी, खोकला, ताप येऊ शकतो. अशा वेळी मी पावसात भिजलो, त्यामुळे सर्दी झाली, असा विचार करून कोणत्याही लक्षणाकडे दुर्लक्ष करू नये. महापालिकेच्या नजीकच्या दवाखान्यात जाऊन डॉक्‍टरांकडून तपासणी करून घ्यावी. औषधे घ्यावीत. कोणताही आजार अंगावर काढू नये.

पिंपरी-चिंचवडच्या बातम्या वाचण्यासाठी येथे ► क्लिक करा

औषधे घेऊनही लक्षणे कमी होत नसल्यास डॉक्‍टरांच्या सल्ल्याने अँटिजेन टेस्ट करून घ्यावी. ती निगेटिव्ह आल्यास आरटीपीसीआर अर्थात स्वॅब देऊन कोविडची तपासणी करून घ्यावी. रिपोर्ट निगेटिव्ह आला तरी, सर्दी, खोकला, ताप अशी लक्षणे जाईपर्यंत घरातून बाहेर पडू नये. घरातील ज्येष्ठ नागरिक, लहान मुले यांच्यापासून लांब राहावे. मास्कचा नियमित वापर करावा. वारंवार हात धुवावेत किंवा सॅनिटायझरचा वापर करावा.''