पिंपळे निलखला एक कोटी किमतीच्या घरांची घरांची सर्वाधिक विक्री | Sakal
sakal

बोलून बातमी शोधा

Home
पिंपळे निलखला एक कोटी किमतीच्या घरांची घरांची सर्वाधिक विक्री

पिंपळे निलखला एक कोटी किमतीच्या घरांची घरांची सर्वाधिक विक्री

पिंपरी - पिंपरी-चिंचवड शहरात (Pimpri Chinchwad City) मामुर्डी, मोशी, चिखली, चोविसावाडी, बोऱ्हाडेवाडी, डुडूळगाव, पिंपळे सौदागर, पिंपळे गुरव व सांगवीसह पिंपळे निलख (Pimple Nilakh) या भागात राहण्यासाठी सर्वाधिक मागणी (Demand) आहे. मोठे रस्ते, वाहतूक कोंडीपासून दूर आणि नव्याने विकसित परिसर यामुळे या भागाला मोल आले आहे. २०१७ ते २०२१ या पाच वर्षाच्या कालावधीत ‘सीआरई मॅट्रिक्स’ व ‘क्रेडाई पुणे मेट्रो’च्या अहवालावरुन (Report) या भागात प्रत्येकी एक कोटी किमतीची घरे (Home) सर्वाधिक विकली (Selling) गेली आहेत.

मामुर्डी हा भाग सुरुवातीला अविकसित असल्याने सदनिकांची मागणी नव्हती. मात्र, २०१९ मध्ये या भागात ९४७ घरे विक्रीचा ४०५ कोटींचा उच्चांक कोरोना काळातही गाठला आहे. २०१७ मध्ये अवघ्या १३५ घरांची विक्री ४९ कोटीला झाली आहे. तसेच, २०२१ मध्ये ८६१ इतकी घरे विकली गेली असून ३७५ कोटींचा नफा झाला आहे.

मोशी, चिखली आणि बोऱ्हाडेवाडी परिसरात सलग काही वर्षांपासून मागणी चांगली राहिली आहे. २०१७ ते २०२१ पर्यंत सदनिका विक्री चांगली झाली. २०१९ मध्ये ५,७६१ सदनिकांची विक्री १,६७८ कोटींना आणि २०२१ मध्ये ४ हजार १२० सदनिकांची विक्री १ हजार ३१२ कोटींना झाली आहे. या भागात २५ ते ५० लाखांपर्यंतच्या घरांना सर्वाधिक मागणी कायमस्वरुपी आहे.

चोविसावाडी व चऱ्होली

२५ ते ५० लाखांच्या सदनिकांना मागणी आहे. २०२० मध्ये २,१८१ घरे विकली गेली असून ७२८ कोटींची उलाढाल झाली असून ती उच्चांकी आहे. त्याचबरोबर १,५२३ घरांची विक्री झाली असून ५५२ कोटींची घरे अवघ्या आठ महिन्यात विकली गेली आहेत.

हेही वाचा: बियर शॉपीमध्येच सर्रास देशी, रम, व्हिस्की, व्होडका

डुडुळगाव

२०१७ पासून मागणी सर्वाधिक वाढत आहे. या भागात २५ ते ५० व ५० ते ७५ लाखांची घर विक्री होत आहे. २०१७ मध्ये ५४९ घरे विकली असून १३७ कोटींची उलाढाल झाली आहे. तर, २०१९ पासून ते २०२१ पर्यंत घरांच्या विक्रीचा आलेख वाढला आहे. २०२१ मध्ये या भागात सर्वाधिक १२०० घरे विकली व ३४९ रुपये कोटी उलाढाल झाली. तसेच, पिंपळे गुरव व सांगवी या भागात २०१७ पासून सर्वाधिक विक्री होत असे, मात्र २०२१ मध्ये एकदमच घटली आहे. या भागात रस्ते व मर्यादेपेक्षा रहिवास परिसरात वाढ ही यामागील कारणे आहेत. २०१८ मध्ये ६३६ घरांची विक्री झाली असून २४५ कोटींची उलाढाल झाली आहे. तर, २०२१ पासून २७७ घर विक्री १३३ कोटींची घट झाल्याचे दिसून आले आहे.

पिंपळे निलखमध्ये २०१७ मध्ये २५ ते ५० लाखांपर्यंतच्या ६२ कोटींच्या घरांची विक्री सर्वाधिक झाली आहे. कालांतराने यामध्ये बदल झाला. ५० ते ७५ लाखांच्या सदनिकांना महत्त्व आले. त्यानंतर, ७५ ते १०० लाखांच्या घरानंतर एक कोटी किंमत असलेल्या सदनिकांची मागणी वाढली. २०१७ पासून ९४ कोटी, त्यानंतर २०१८ मध्ये १७७ कोटी व २०१९ मध्ये १९६ कोटींच्या एकूण सदनिकांची विक्री झाली आहे. ती २०२१ मध्ये १६५ कोटी झाली आहे. या भागातील उच्चभ्रू किमतीच्या घरांच्या विक्रीचा ट्रेंड कायम आहे.

पिंपळे निलख या भागातील घरांची झालेली विक्री व उलाढाल :

वर्ष घरे एकूण किंमत (कोटी)

२०१७ ३५१ २३६

२०१८ ४३९ ३५३

२०१९ ३८३ ३३७

२०२० २७८ २४९

२०२१ ३११ २७६

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top