साडे चार लाखांची फसवणूक

पिंपरी, ता. ४ : साडे चार लाखांच्या फसवणूक प्रकरणी एका कंपनीच्या असिस्टंट मॅनेजर ऑपरेटरवर गुन्हा दाखल झाला आहे. हा प्रकार ताथवडे येथे घडला.
याप्रकरणी सागर अशोक नरवाडे (रा. सुखवानी कलरनिक सोसायटी, औंध-रावेत बीआरटी रोड, रावेत) यांनी फिर्याद दिली आहे. त्यानुसार गणेश बाळासाहेब माने (वय ३१, रा. मालखेड, ता. कराड, जि . सातारा) याच्यावर गुन्हा दाखल झाला आहे. आरोपी हा ताथवडे येथील संघवी मूव्हर्स लिमिटेड कंपनीत असिस्टंट मॅनेजर ऑपरेटर म्हणून कमला आहे. कंपनीचे काम सुरू असलेल्या साइटवर कर्मचारी यांची ये-जा करण्यासाठी गाड्या भाड्याने घेणे, त्यांचे भाडे ठरवणे, त्यांचे बिल बनवून कंपनीला पाठविणे तसेच कंपनीचे आरटीओकडील काम करणे, विविध प्रकारचे टॅक्स आरटीओ कार्यालयात भरणे व इतर नेमून दिलेली कामांची जबाबदारी त्याच्याकडे होती. दरम्यान, ही कामे करीत असताना आरोपीने कंपनीच्या व्हेंडरकडून चार लाख ६७ हजार ६९८ रुपये घेत फसवणूक केली. याप्रकरणी हिंजवडी पोलिस ठाण्यात गुन्हा दाखल असून पोलिस अधिक तपास करीत आहेत.