पौष्टिक तृणधान्य खा, निरोगी रहा

पौष्टिक तृणधान्य खा, निरोगी रहा

ऊर्से, ता. ११ : सन २०२३ हे वर्ष भारत सरकार यांच्या पुढाकाराने संयुक्त राष्ट्राने आंतरराष्ट्रीय पौष्टिक तृणधान्य वर्ष म्हणून घोषित केले आहे. यानिमित्त महाराष्ट्र शासनाच्या कृषी विभागामार्फत पौष्टिक तृणधान्य आहारातील महत्व सर्वांना समजावे यासाठी कार्यक्रम राबविले जात आहेत. दारुंब्रे गावातील आनंदमळा येथे आयोजित केलेल्या कार्यक्रमात कृषी अधिकारी एस.जी. नर्हे यांनी शेतकऱ्यांना पौष्टिक तृणधान्यांचे दैनंदिन आहारातील महत्व, तृणधान्य यांच्यापासून तयार झालेला पौष्टिक आहार, पौष्टिक तृणधान्यांना प्रक्रिया उद्योगांमध्ये असलेल्या संधी आदिबाबत महत्वाचे मार्गदर्शन केले.

यावेळी नर्हे म्हणाले,‘‘आपण पारंपरिक पीक कमी करून भात आणि गहू या पिकांवर जास्त अवलंबून राहत असल्याने खऱ्या अर्थाने आपली रोगप्रतिकारक शक्ती वाढविण्यासाठी सर्वांनी पौष्टिक धान्य, ज्वारी, बाजरी, नाचणी आदि पिकांचा अन्नात वापर वाढवणे गरजेचे आहे.’’ यावेळी तालुका कृषी अधिकारी दत्तात्रय पडवळ , ज्वारी विशेषज्ञ तात्यासाहेब फडतरे, मंडळ कृषी अधिकारी दत्ता शेटे, कृषी पर्यवेक्षक एस.एस.कानडे, श्री. शिंदे, एन. बी. तारडे, डी.एम. गावडे, एस. डब्ल्यू. गायकवाड, एम.बी. घोडके, एस. वाय. गिरी, ए.एम. खंडागळे आदी उपस्थित होते. तसेच पौष्टिक तृणधान्यापासून बनविलेल्या विविध पाककृतींच्या स्पर्धेचे आयोजन करण्यात आले होते. यामध्ये चैताली वाजे यांच्या बाजरीच्या थालीपीठाला प्रथम क्रमांक, वंदना सोरटे यांच्या नाचणीच्या घावण्याला द्वितीय क्रमांक व वैशाली वाघोले यांच्या नाचणीच्या लाडवांना तृतीय क्रमांक मिळाला.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com