नवी सांगवीत बंगाली बांधवांकडून सरस्वती पूजन

पिंपळे गुरव, ता. २९ ः वसंत पंचमी निमित्त माता सरस्वतीचा सण मोठ्या थाटामाटात साजरा केला जातो. या दिवशी माता सरस्वतीचे मूर्तीपूजन केले जाते. पिंपरी-चिंचवड व पुणे परिसरातील बंगाली समाजाच्या नागरिकांकडून नवी सांगवी येथील मल्हार गार्डन येथे माता सरस्वती पूजा व होम हवन विधिवत पद्धतीने करण्यात आले.
या दिवशी सर्व बंगाली समाज एकत्र येऊन मुलांचे बौद्धिक ज्ञान वाढावे व शिक्षणात प्रगती व्हावी यासाठी सरस्वती मातेचे पूजन करतात. हा दिवस संगीत, कला आदींचे ज्ञान मिळविण्यासही शुभ मानला जातो.
या कार्यक्रमासाठी सांगवी पोलिस ठाण्याचे वरिष्ठ पोलिस निरीक्षक सुनील टोणपे यांच्याहस्ते देवीचे पूजन करण्यात आले. पूजनानंतर संजय गांधी निराधार योजनेचे संजय मराठे म्हणाले, माता सरस्वती ज्ञान, कला आणि संगीताची देवी आहे. सरस्वती देवीचे स्मरण प्रत्येकाने केले पाहिजे. याप्रसंगी जवाहर ढोरे, सोमनाथ माल, बेचू माल, मिथुन दास, पलाश माल, सुबीर पत्रा, विश्वजित माझि, पिंटू पात्रा,विभूती बेरा आदी मान्यवर उपस्थित होते.