Pimpri Chinchwad: मणिपूर येथील घटनेच्या निषेधार्थ महिलांचा मोर्चा

Pimpri - मणिपूर येथे झालेल्या घटनेच्या निषेधार्थ पिंपरी-चिंचवड शहरातील पुरोगामी संघटना व कार्यकर्त्यांच्या वतीने गुरुवारी महिला मोर्चा काढण्यात येणार आहे. निगडी येथील साहित्यरत्न अण्णाभाऊ साठे पुतळा येथून गुरुवारी दुपारी बारा वाजता मोर्चाला सुरुवात होईल.

निगडीतील तहसीलदार कार्यालय येथे मोर्चाची सांगता होईल. या वेळी मोर्चाच्या वतीने तहसीलदारांच्या माध्यमातून राष्ट्रपतींना निवेदन देण्यात येणार आहे
शहरातील विविध महिला संघटना व कार्यकर्त्यांची बैठक शाहूनगर येथील ‘धम्मचक्र बुद्ध विहार’ येथे नुकतीच झाली.

या बैठकीत ‘महिला सन्मान संघर्ष समिती- पिंपरी चिंचवड’ या नावाने संघटना स्थापन करण्यात आली. सामाजिक कार्यकर्ते मारुती भापकर, प्रदीप पवार, नरेंद्र बनसोडे, देवेंद्र तायडे, धनाजी येळकर पाटील, राजन नायर आदी या बैठकीमध्ये उपस्थित होते.

या मोर्चाच्या संयोजक म्हणून कॉम्रेड लता भिसे- सोनावणे, माजी नगरसेविका सुलभा उबाळे, माजी नगरसेविका सुलक्षणा शीलवंत-धर, माजी नगरसेविका लता ओव्हाळ, सामाजिक कार्यकर्त्या शारदा मुंडे यांची निवड करण्यात आली.