दिव्यांग, वैद्यकीय सवलत व्यक्तींच्या पासेसला मुदतवाढ

पिंपरी, ता. २९ : महापालिका हद्दीतील दिव्यांग व्यक्तींना व वैद्यकीय सवलत (दुर्धर आजार) असलेल्या व्यक्तींना २०२२-२३ या वर्षाकरिता पुणे महानगर परिवहन महामंडळामार्फत मोफत बस प्रवास पास देण्यात आले आहेत. त्याअनुषंगाने संबंधित पास धारकांना २८ एप्रिल २०२३ अखेरपर्यंत पीएमपीएमएल बसेस मधून २०२२-२३ या वर्षाचा जुना पास दाखवून मोफत बस प्रवास करता येईल.
जुन्या पासची मुदत ३१ मार्च २०२३ रोजी संपत आहे. परंतु, पिंपरी-चिंचवड मनपाकडून २०२३-२०२४ पासून सदरची योजना ऑनलाइन पद्धतीने राबविण्याचे नियोजन आहे. याबाबतची कार्यवाही होईपर्यंत २८ एप्रिल २०२३ पर्यंत पिंपरी-चिंचवड मनपाकडील २०२२-२०२३ मधील संबंधित पास धारकांना मुदतवाढ देण्यात यावी, असे समाज विकास विभागाने कळविल्याचे पीएमपीएमएल प्रशासनाने सांगितले आहे.