Vadgav Maval : इमारतीच्या चौथ्या मजल्यावरून पडून तेरा वर्षीय मुलाचा मृत्यू

वडगाव मावळ - येथील एका तेरा वर्षीय मुलाचा इमारतीच्या चौथ्या मजल्यावरून पडून मृत्यू झाला. ही घटना बुधवारी (ता.५) सकाळी घडली.

अभिनव जगदीश कडभने ( वय १३, मूळ रा. बीड, सध्या रा. कृष्णा पार्क सोसायटी, वडगाव मावळ) असे मृत्यू झालेल्या मुलाचे नाव आहे. येथील रमेशकुमार सहानी इंग्लिश स्कूलमध्ये इयत्ता सातवी मध्ये शिकत होता.

बुधवारी सकाळी तो सोसायटीच्या गच्चीवर चिमण्या पाहण्यासाठी गेला असता पावसामुळे झालेल्या निसरड्या जागेत त्याचा पाय घसरला व तो चौथ्या मजल्यावरून खाली कोसळला.