कात्रज-देहूरोड बाह्यवळण मार्गावर अपघात; तरुणाचा मृत्यू

पिंपरी : भरधाव वाहनाच्या धडकेत पादचारी तरुणाचा मृत्यू झाला. ही घटना कात्रज-देहूरोड बाह्यवळण मार्गावर बालेवाडी स्टेडियमसमोर घडली. 

- अजित पवारांकडून पिंपरी-चिंचवडमधील 'जम्बो फॅसिलिटी'ची पाहणी, म्हणाले...

सूरज राम (वय 24) असे या अपघातात मृत्यू झालेल्या तरुणाचे नाव आहे. याप्रकरणी विजयकुमार प्रल्हाद राम (रा. मांडवी बुद्रुक, खडकवासला) यांनी फिर्याद दिली. फिर्यादी यांचे मेहुणे सूरज राम हे गुरूवारी (ता. 6) सकाळी पावणे आठच्या सुमारास कात्रज-देहूरोड बाह्यवळण मार्गावरील बालेवाडी स्टेडियमसमोरील रस्त्याने पायी जात होते. त्यावेळी वाहतूक नियमांकडे दुर्लक्ष करीत भरधाव आलेल्या वाहनाने सूरज यांना जोरदार धडक दिली. यामध्ये ते गंभीर जखमी झाल्याने त्यांचा मृत्यू झाला. अपघातानंतर वाहनचालक घटनास्थळावरून पसार झाला. हिंजवडी पोलिस अधिक तपास करीत आहेत. 

- पिंपरीतील महापालिका रुग्णालय फुल्ल; कोरोना रुग्णांना मिळेना व्हेंटिलेटर बेड