"म्हणून स्वप्नीलने मला 1000 रुपये दिले" ; अभिनेत्याने सांगितला खास किस्सा, म्हणाला..

Marathi Entertainment News : मराठी इंडस्ट्रीमधील कलाकार विकास समुद्रे गेल्या काही काळापासून चर्चेत आहे. ब्रेन हॅमरेजमधून बरं झाल्यानंतर विकास यांनी काही मुलाखती दिल्या. यावेळी त्यांनी त्यांच्या प्रवासावर, इंडस्ट्रीमधील राजकारणावर भाष्य केलं. .नुकतीच त्यांनी अभिजात मराठी फिल्मी चॅनेलला मुलाखत दिली. यावेळी त्यांनी फू बाई फू मध्ये त्यांना लेखक म्हणून दिग्दर्शक, निर्मात्याने कसं प्रोत्साहन दिलं याचा किस्सा सांगितला. काय म्हणाले ते जाणून घेऊया. ."फू बाई फू असा कार्यक्रम सुरू आहे हे सुरुवातीला मला माहीतच नव्हतं. त्यानंतर मला तिथून बोलावणं आलं. मला वाइल्ड कार्ड एंट्री करायची होती. मला पार्टनर निवडायचा होता. म्हणजे दोन मुली होत्या म्हणजे सुप्रिया पाठारे आणि चैत्राली गुप्ते. त्यांना सांगण्यात आलं की तुम्ही ठरवा विकाससोबत तुमच्यापैकी कोण काम करणार ? दोघींनाही मी हवा होतो पण अखेर सुप्रिया बरोबर माझी जोडी जमली. "."पहिलंच स्किट आम्ही आगरी स्किट केलं. जे तूफान गाजलं. त्या एपिसोडने खूप टीआरपी खेचला. मग आमची जोडी फिक्स झाली आणि शेवटपर्यंत आम्ही बॅटिंग करत राहिलो. "."तेव्हा मी लेखक नव्हतो. पण राकेश सारंग खूप हुशार निर्माते आणि दिग्दर्शक आहेत. त्यांनी मी जे मध्ये मध्ये बोलायचो ते हेरलं आणि मला स्क्रिप्ट लिहिण्यास सांगितलं. मी त्यांना आधी नाही म्हंटलं पण ते म्हणाले की तू जे हे मध्ये मध्ये पंचेस काढतोस ना तेच एकत्र करायचे आणि त्याचंच स्क्रिप्ट लिहायचं. जे तुझ्या मनात आहे ते कागदावर उतरव. मग त्यांनी मला एक स्क्रिप्ट लिहायला दिली. "."मी लिहिलेली ती स्क्रिप्ट खूप गाजली. बरं ती स्क्रिप्ट काही एवढी मोठी झालेली नव्हती पण त्यांनी काय केलं मागच्या दाराने येऊन स्वप्नील जोशीला हजार रुपये दिले. त्याला विकासच्या लिखाणासाठी हजार रुपये बक्षीस जाहीर करायला सांगितलं. स्वप्नील जोशीने मला त्यानंतर 1000 रुपये दिले. ते त्यांनी मला प्रेरणा देण्यासाठी केलं आणि त्यातून मला खरंच प्रेरणा मिळाली. लेखक म्हणजे काय असतं हे मला त्यावेळी कळलं.".काव्या होणार आई पण नंदिनीच्या नशिबी ते सुख नाही ! मालिकेतील नवीन ट्विस्टने प्रेक्षक नाखुष.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

"म्हणून स्वप्नीलने मला 1000 रुपये दिले" ; अभिनेत्याने सांगितला खास किस्सा, म्हणाला..

Related Stories