अमृता धोंगडेचा हटके लूक अन् हितेश मोडक यांच्या सुरांची जादू; ‘आली लखाबाई’ गाण्याची चर्चा

Entertainment News : मराठी संगीतविश्वात लोकसंगीताचा गोडवा आणि आधुनिक सादरीकरणाचा सुरेख संगम घडवणारं नवीन गाणं ‘आली लखाबाई’ नुकतंच रसिकांच्या भेटीला आलं आहे. अभिनेत्री अमृता धोंगडे हिचा मोहक अभिनय आणि नृत्याने सजलेल्या या गाण्याला प्रसिद्ध संगीतकार हितेश मोडक यांनी सुरेल संगीत दिलं आहे. अल्पावधीतच हे गाणं रसिकांच्या मनावर राज्य करत आहे. अवघ्या काही तासांत हजारोंच्या घरात हे गाणं पाहिलं गेलं. ग्रामीण संस्कृतीचा ठेवा जपत, उत्सवमय वातावरण आणि पारंपरिक लोककलेचा रंग या गाण्यात अनुभवायला मिळतो.