समांथा रूथ प्रभूवर कोसळला दुःखाचा डोंगर ; वडिलांचं झालं निधन, सोशल मीडियावर पोस्ट शेअर करत अभिनेत्री म्हणाली...

Entertainment News : अभिनेता समांथा रूथ प्रभूवर दुःखाचा डोंगर कोसळला आहे. तिचे वडील जोसेफ प्रभू यांचं निधन झालं. सोशल मीडियावर पोस्ट शेअर करत अभिनेत्रीने ही बातमी जाहीर केली, "आता आपण जेव्हा पुन्हा भेटू तेव्हा" असं लिहीत तिने एक दुःखी इमोजी शेअर केली. .समांथा तिच्या वडिलांची खूप लाडकी होती. तिचे वडील कायमच तिचा आधार होता. नागा चैतन्यबरोबर घटस्फोट झाल्यावर तिचे वडील चर्चेत आले होते. त्यांनी सोशल मीडियावर त्यांच्या लग्नाचा फोटो शेअर करत त्यांचा घटस्फोट झाल्याची पुष्टी दिली होती आणि त्यांना यातून सावरायला थोडा वेळ लागेल असं म्हटलं होतं. इतकंच नाही तर त्यांनी ते दोघेही त्यांचं आयुष्य नव्याने सुरु करतील अशी आशाही व्यक्त केली होती. .जोसेफ हे तामिळ अँग्लो इंडियन होते. त्यांनी कायमच तिच्या करिअरमध्ये तिची साथ दिली. त्यांच्या निधनाने समांथा आणि तिच्या कुटूंबाला खूप मोठा धक्का बसला आहे. ही बातमी सोशल मीडियावर पसरल्यावर अनेकांनी कमेंट्स आणि पोस्टच्या माध्यमातून जोसेफ यांना श्रद्धांजली वाहिली तसंच समांथाने या दुःखातून लवकर सावरावं म्हणून प्रार्थना केली. .लहान असताना समांथाचं तिच्या वडिलांशी नातं फार ठीक नव्हतं. नुकत्याच एका मुलाखतीमध्ये तिने याविषयी खुलासा केला होता. तिच्या वडिलांनी तिच्या क्षमता कमी केल्याच्या क्षणांची आठवण तिने यावेळी सांगितली. स्वतःला सिद्ध करण्यासाठी तिला कसा संघर्ष करावा लागला हे तिने सांगितलं. हुशार असूनही समांथाने उत्तम शिक्षण घेतलं नाही याविषयी त्यांच्यात तणाव होता पण नंतर ही परिस्थिती सुधारल्याचं समांथाने अनेक मुलाखतींमध्ये सांगितलं आहे. .जोसेफ यांच्या पश्चात समांथा , तिची आई आणि त्यांची दोन मुलं जोनाथ, डेव्हिड असा परिवार आहे. त्यांच्या अंत्यविधीविषयी कोणतीही माहिती समजू शकली नाहीये. .दरम्यान, समांथाची सिटाडेल हनी बनी ही वेबसिरीज रिलीज होणार असून सध्या ती त्याच्या प्रोमोशनमध्ये बिझी होती. वरूण धवनबरोबर ती या वेबसिरीजमध्ये काम करणार आहे. राज अँड डिके यांनी या वेबसिरीजची निर्मिती केली आहे. .ज्येष्ठ अभिनेत्री आशा काळे यांचा गदिमा पुरस्कारानं सन्मान ; हे कलाकारही ठरले पुरस्काराचे मानकरी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.