VIDEO: "कहते हैं जोड़ियां ऊपर से बनकर आती है..."; ऐश्वर्या आणि अविनाश नारकर यांचा हा व्हिडीओ पाहून पोट धरुन हसाल

Aishwarya And Avinash Narkar Comedy Video: मराठी सिनेसृष्टीतील प्रसिद्ध अभिनेत्री ऐश्वर्या नारकर (Aishwarya Narkar) आणि अभिनेते अविनाश नारकर (Avinash Narkar) हे सोशल मीडियावर सक्रिय असतात. त्यांच्या डान्सच्या रिल्सला नेटकऱ्यांची पसंती मिळते. तसेच ऐश्वर्या आणि अविनाश हे कॉमेडी व्हिडीओ शेअर करुन देखील नेटकऱ्यांचे मनोरंजन करत असतात. अशातच ऐश्वर्या आणि अविनाश यांनी नुकताच एक भन्नाट व्हिडीओ सोशल मीडियावर शेअर केला आहे. या व्हिडीओमध्ये अविनाश हे मजेशीर डायलॉग म्हणताना दिसत आहे.

ऐश्वर्या आणि अविनाश यांचा मजेशीर व्हिडीओ

ऐश्वर्या आणि अविनाश यांनी सोशल मीडियावर शेअर केलेल्या व्हिडीओमध्ये दिसत आहे की, ऐश्वर्या ही मोबाईलवर काहीतरी बघत आहे. तेवढ्यात अविनाश हे डायलॉग म्हणतात, "कहते हैं जोड़ियां ऊपर से बनकर आती है, मतलब काम ऊपर भी सही नहीं हो रहा"

ऐश्वर्या आणि अविनाश यांच्या या कॉमेडी व्हिडीओला नेटकऱ्यांची पसंती मिळाली आहे. एका नेटकऱ्यानं त्यांच्या या व्हिडीओला कमेंट केली, "तुमची जोडी खूप भारी आहे." तर दुसऱ्या युझरनं कमेंट केली, "लाखात एक आहात तुम्ही"

पाहा व्हिडीओ:

अविनाश आणि ऐश्वर्या नारकर यांनी चित्रपट, मालिका आणि नाटकांमध्ये काम केलं आहे. सध्या ऐश्वर्या ही सातव्या मुलीची सातवी मुलगी या मालिकेतून प्रेक्षकांच्या भेटीला येत आहे. या मालिकेत अनेक ट्वीस्ट अँड टर्न येत असतात. तसेच यांचा स्वरगंधर्व सुधीर फडके हा चित्रपट प्रेक्षकांच्या भेटीला आला. अविनाश आणि ऐश्वर्या हे दोघे त्यांच्या सोशल मीडियावरील रिल्समुळे चर्चेत असतात. वेगवेगळ्या गाण्यावरील डान्सचे व्हिडीओ ते शेअर करतात.