घरातच निघाला चोर! आलियाला तिच्याच मॅनेजरने फसवलं, तब्बल 77 लाख लुबाडले, अखेर अटक

अभिनेत्री आलिया भट्टच्या माजी मॅनेजरला तब्बल 77 लाख रुपयांची फसवणूक केल्याप्रकरणी अटक करण्यात आली आहे. मुंबई पोलिसांच्या माहितीनुसार, जुहू पोलिसांनी वेदिका प्रकाश शेट्टीला ७७ लाख रुपयांच्या फसवणुकीच्या प्रकरणात बंगळुरूमधून अटक केलीय..वेदिका प्रकाश शेट्टी 2021 ते 2024 या कालावधीत आलियाची मॅनेजर म्हणून कार्यरत होती. याच काळात तिने आलियाच्या आर्थिक कागदपत्रांपासून ते पेमेंट्सपर्यंत सगळं हाताळलं होतं. आलियाचा शेड्यूलदेखील तिचं ठरवत होती. परंतु या फसवणूकीच्या प्रकणावर आलियाने अजून कोणतंही अधिकृत वक्तव्य दिलेलं नाही..या प्रकरणात आलियाची आई आणि ज्येष्ठ अभिनेत्री सोनी राजदान यांनी पोलिसांत तक्रार दाखल केली होती. या तक्रारीवरून जवळपास 5 महिन्यांपूर्वी एफआयआर नोंदवण्यात आला होता. अखेर वेदिकाला बंगळुरूमध्ये पकडून कोर्टात हजर करण्यात आलं. कोर्टाने वेदिकाला 10 जुलैपर्यंत पोलिस कोठडीत ठेवण्याचे आदेश दिले आहेत..वेदिकाने एक सॉफ्टवेअर वापरून खोटे बिल्स तयार केले आणि आलियाकडून सही घेतली. त्यानंतर ती हे पैसे ती तिच्या एका मित्राच्या खात्यावर ट्रान्सफर करायची आणि त्यातून पुन्हा स्वतःकडे वळवायची, असं एका वृत्तसंस्थेनं म्हटलंय. .या संपूर्ण फसवणुकीदरम्यान आलियाचे खासगी अकाउंट्स आणि तिच्या प्रॉडक्शन हाऊसचा सुद्धा वापर करण्यात आला होता. आलियाने हे प्रॉडक्शन हाऊस 2021मध्ये सुरू केलं होतं. त्या प्रॉडक्शनमधून तिचा पहिला चित्रपट 'डार्लिंग्स' नेटफ्लिक्सवर रिलीज झाला होता..दरम्यान, आलिया सध्या तिच्या आगामी 'अल्फा' चित्रपटाच्या शूटिंगमध्ये व्यस्त आहे. या सिनेमात ती एक गुप्तहेराची भूमिका साकारणार असून शर्वरी देखील प्रमुख भूमिकेत आहे..Kareena Pregnancy? सैफ अली खानच्या घरात पुन्हा पाळणा हलणार? करिना तिसऱ्यांदा आई होणार? फोटोमुळे चर्चांना उधाण.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

घरातच निघाला चोर! आलियाला तिच्याच मॅनेजरने फसवलं, तब्बल 77 लाख लुबाडले, अखेर अटक

Related Stories