Anime in India
Anime in IndiaeSakal

Anime in India : अ‍ॅनिमे फॅन्ससाठी मे महिना ठरतोय लकी! थिएटरला रिलीज होणार दोन मूव्हीज; कार्टून नेटवर्कवर आलं 'वन पीस'

PVR ने दिलेल्या माहितीनुसार, 10 मे पासून देशभरातील कित्येक सिनेमागृहांमध्ये 'दि बॉय अँड दि हेरॉन' हा चित्रपट रिलीज होईल.

Anime Movies releasing in India : भारतातील अ‍ॅनिमे फॅन्ससाठी मे महिना हा अगदीच लकी ठरताना दिसत आहे. काही दिवसांपूर्वीच कार्टून नेटवर्कवर जगप्रसिद्ध 'वन पीस' ही अ‍ॅनिमे सीरीज लाँच झाली होती. आता ऑस्कर पुरस्कार प्राप्त अ‍ॅनिमे चित्रपट 'दि बॉय अँड दि हेरॉन' हादेखील थिएटरमध्ये रिलीज होण्यासाठी सज्ज झाला आहे. (One Piece on Cartoon Network)

हायाओ मियाझाकी (Miyazaki) या दिग्गज दिग्दर्शकाचा शेवटचा चित्रपट असं बोलल्या जाणाऱ्या 'दि बॉय अँड दि हेरॉन' (The Boy and The Heron) या चित्रपटाने यंदाच्या ऑस्कर पुरस्कारावर आपलं नाव कोरलं होतं. गिब्ली स्टुडिओजचा हा चित्रपट भारतात कधी रिलीज होतो याची गेल्या कित्येक महिन्यांपासून फॅन्स वाट पाहत होते. अखेर 10 मे रोजी हा चित्रपट प्रदर्शित होतो आहे.

PVR ने दिलेल्या माहितीनुसार, 10 मे पासून देशभरातील कित्येक सिनेमागृहांमध्ये हा चित्रपट रिलीज होईल. ओरिजिनल जपानी आणि इंग्लिश डब अशा दोन भाषांमध्ये हा चित्रपट रिलीज होणार आहे. पुण्यामध्ये सिटी प्राईड कोथरूड, फिनिक्स मॉल, आयनॉक्स चिंचवड, पीव्हीआर फिनिक्स मार्केटसिटी, कुमार पॅसिफिक, आयनॉक्स बंड गार्डन, आयनॉक्स रॉयल हेरिटेज मॉल, अ‍ॅमेनोरा टाऊन सेंटर, वेस्टएंड मॉल, कोपा पुणे अशा ठिकाणी हा चित्रपट उपलब्ध असेल. (The boy And the heron India release date)

Anime in India
Star Wars Day 2024 : दरवर्षी 4 मे रोजी का साजरा केला जातो 'स्टार वॉर्स डे'? अगदी खास आहे कारण..

'हायक्यू' मूव्ही देखील होणार प्रदर्शित

हायक्यू या प्रसिद्ध अ‍ॅनिमे सीरीजचा नवा चित्रपट 'Haikyu : The Dumpster Battle' हादेखील भारतात प्रदर्शित होणार आहे. पीव्हीआरने आपल्या इन्स्टाग्राम हँडलवरुन याबाबत माहिती दिली आहे. यापूर्वी फेब्रुवारी महिन्यात जेव्हा Demon Slayer हा अ‍ॅनिमे मूव्ही रिलीज झाला होता, तेव्हाच भारतातील कित्येक हायक्यू फॅन्स नाराज झाले होते. पीव्हीआरने डीमन स्लेयर सोबतच हायक्यूचा चित्रपट देखील रिलीज करायला हवा होता अशी मागणी फॅन्सनी केली होती. (Haikyu movie India release)

अखेर पीव्हीआरने आता हायक्यू चित्रपटाची घोषणा केली आहे. कंपनीने अद्याप याची रिलीज डेट जाहीर केली नसली; तरी मीडिया रिपोर्ट्सनुसार 31 मे रोजी हा चित्रपट भारतात रिलीज केला जाऊ शकतो. यामुळेच मे महिना हा अ‍ॅनिमे फॅन्ससाठी पर्वणी ठरणार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com