दोन जॉलींचा कोर्टात आमनासामना आणि न्यायाधीशांची हवा टाईट ! टीझर झाला Viral, प्रेक्षक म्हणाले..

जॉली एलएलबी 3 मध्ये अर्शद वारसी आणि अक्षय कुमारची जुगलबंदी पहिल्यांदाच एकत्र पाहायला मिळणार आहे.नुकताच या चित्रपटाचा टीझर प्रदर्शित झाला असून तो अल्पावधीतच व्हायरल झाला आहे.नेटिझन्सनी टीझरला उत्साहपूर्ण आणि सकारात्मक प्रतिक्रिया दिल्या आहेत..Bollywood Entertainment News : कोर्ट रूम ड्रामा असलेले अनेक सिनेमे गाजले आहेत. त्यातील एक सिरीज म्हणजे जॉली एलएलबी आणि जॉली एलएलबी 2. जॉली एलएलबी 1 मध्ये अर्शद वारसी मुख्य भूमिकेत होता तर दुसऱ्या सीजनमध्ये अक्षय कुमारने मुख्य भूमिका साकारली. आणि आता तिसऱ्या पार्टमध्ये अर्शद आणि अक्षय कुमारची जुगलबंदी पाहायला मिळणार आहे. .नुकताच जॉली एलएलबी 3 चा टीझर प्रेक्षकांच्या भेटीस आला आहे. अल्पावधीतच हा टीझर व्हायरल झालाय. नेटिझन्सनी भन्नाट प्रतिक्रिया दिल्या आहेत..टीझरमध्ये पाहायला मिळालं की एका केसच्या निमित्ताने दोन्ही जॉली म्हणजे जगदीश त्यागी आणि जगदीश मिश्रा यांचा आमनासामना होणार आहे. त्यामुळे मारामारी, भांडण आणि विनोद यांची भन्नाट मिसळ प्रेक्षकांना सिनेमात पाहायला मिळणार आहे. पण या सगळ्यात न्यायाधीश असलेल्या त्रिपाठी यांची मात्र हवा टाईट होणार आहे. .अनेकांनी कमेंट करत त्यांना टीझर आवडल्याचं म्हटलं आहे. 19 सप्टेंबरला हा सिनेमा रिलीज होतोय. अलोक जैन, अजित अंधारे यांनी या सिनेमाची निर्मिती केली आहे. तर दिग्दर्शन सुभाष कपूर यांनी केलं आहे. अक्षय आणि अर्शदबरोबर हुमा कुरेशी, अमृता राव, अनु कपूर आणि सौरभ शुक्ला यांच्या मुख्य भूमिका आहेत..FAQs :जॉली एलएलबी 1 मध्ये मुख्य भूमिका कोणी साकारली होती?अर्शद वारसीने मुख्य भूमिका साकारली होती.जॉली एलएलबी 2 मध्ये मुख्य भूमिका कोणी केली होती?अक्षय कुमारने मुख्य भूमिका केली होती.जॉली एलएलबी 3 मध्ये काय खास आहे?यात अर्शद वारसी आणि अक्षय कुमार पहिल्यांदाच एकत्र दिसतील.या चित्रपटाचा टीझर कधी प्रदर्शित झाला?नुकताच टीझर प्रदर्शित झाला आणि लगेच व्हायरल झाला.टीझरला प्रेक्षकांची प्रतिक्रिया कशी मिळाली?प्रेक्षक आणि नेटिझन्सनी भन्नाट आणि सकारात्मक प्रतिक्रिया दिल्या आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.