Bhagyashree Mote: भाग्यश्री मोटे अन् विजय झाले वेगळे, अभिनेत्रीने पोस्ट करत दिली माहिती.. दोन वर्षांपूर्वी झाला होता साखरपुडा

Bhagyashree Mote: अभिनेत्री भाग्यश्री मोटे (Bhagyashree Mote) आणि मेक-अप आर्टिस्ट विजय पालांडे (Vijay Palande) यांनी वेगळं होण्याचा निर्णय घेतला आहे. भाग्यश्री आणि विजय यांचा साखरपुडा गेल्या वर्षी पार पडला होता. पण लग्नाआधीच त्या दोघांनी विभक्त होण्याचा निर्णय घेतला आहे. याबाबत भाग्यश्रीनं सोशल मीडियावर एक पोस्ट शेअर केली आहे. भाग्यश्रीनं शेअर केलेली ही पोस्ट पाहून अनेकांना धक्का बसला आहे.

भाग्यश्रीची पोस्ट

भाग्यश्री मोटेनं सोशल मीडियावर शेअर केलेल्या पोस्टमध्ये लिहिलं, "नमस्कार मित्रांनो, ही पोस्ट केवळ माहिती देण्यासाठी आहे. एकमेकांसोबत राहण्याचा प्रयत्न करत असताना मी आणि विजय चांगल्या कारणांसाठी पार्टनर म्हणून वेगळे होत आहोत. आम्ही चांगले मित्र राहू! कृपया आमच्या प्रायव्हसीचा आदर करा! धन्यवाद!" भाग्यश्रीनं या पोस्टला विजयला टॅग देखील केलं आहे. भाग्यश्रीच्या या पोस्टनं अनेकांचे लक्ष वेधलं आहे.

दोन वर्षांपूर्वी पार पडला भाग्यश्री आणि विजय यांचा साखरपुडा

भाग्यश्री मोटे आणि विजय पालांडे यांचा साखरपुडा दोन वर्षांपूर्वी पार पडला. त्यांच्या साखरपुड्याचे फोटो सोशल मीडियावर व्हायरल झाले होते. भाग्यश्री आणि विजय यांच्या साखरपुड्याला हृतिक रोशन (Hrithik Roshan) आणि त्याची गर्लफ्रेंड सबा आझाद यांनी देखील हजेरी लावली होती. विजय हा हृतिक रोशनचा मेक-अप डिझाइनर आहे.

भाग्यश्री मोटेनं 'या' चित्रपटांमध्ये केलं काम

भाग्यश्री मोटेनं मराठी चित्रपटांसोबतच हिंदी आणि दाक्षिणात्य चित्रपटांमध्ये देखील काम केलं आहे. विठ्ठल,मुंबई मिरर,माझ्या बायकोचा प्रियकर,काय रे रास्कला,एकदम कडक या चित्रपटांमध्ये भाग्यश्रीनं काम केलं आहे. तसेच तिनं देवों के देव...महादेव,सिया के राम या हिंदी मालिकांमध्ये देखील काम केलं आहे. देवयानी,जय देवा श्री गणेशा या मराठी या मराठी मालिकांमध्ये भाग्यश्रीनं महत्वाची भूमिका साकारली आहे. तसेच तिनं चिकाटी गाडीलो चिथाकोतुडू या तेलुगू चित्रपटात देखील काम केलं.

भाग्यश्री ही सोशल मीडियावर अॅक्टिव असते. वेगवेगळ्या लूकमधील फोटो ती सोशल मीडियावर शेअर करते. तिच्या फोटोंवर नेटकरी लाइक्स आणि कमेंट्सचा वर्षाव करतात.