Bharti Singh: भारती सिंहची अचानक तब्येत बिघडली; असह्य वेदना झाल्यानं हॉस्पिटलमध्ये झाली दाखल, म्हणाली...

Bharti Singh: कॉमेडी क्विन भारती सिंह (Bharti Singh) ही तिच्या विनोदी शैलीनं प्रेक्षकांची मनं जिंकते. भारती ही युट्यूबवर तिचे व्लॉग शेअर करत असते. या व्लॉगच्या माध्यमातून ती प्रेक्षकांचे मनोरंजन करते. नुकताच भारतीनं एक व्लॉग युट्यूबवर शेअर केला आहे. या व्लॉगच्या माध्यमातून भारतीनं तिच्या तब्येतीची माहिती चाहत्यांना दिली आहे. भारतीची अचानक तब्येत बिघडली आहे. त्यामुळे तिला रुग्णालयात दाखल करण्यात आलं आहे.

भारतीची तब्येत बिघडली

भारतीने तिच्या व्लॉगमध्ये सांगितलं की, गेल्या तीन दिवसांपासून तिचं पोटात दुखत होते. तिला असह्य वेदना झाल्या. त्यानंतर तिची टेस्ट करण्यात आली. पित्ताशयात खडा झाल्याचं या टेस्टच्या रिपोर्टमधून तिला कळालं.

भारतीवर होणार सर्जरी

भारतीनं व्लॉगमध्ये सांगितलं आहे की, शस्त्रक्रिया हा एकमेव उपाय आहे . माझ्याकडे शस्त्रक्रिया करण्याशिवाय दुसरा पर्याय नाही. भारतीनं व्लॉगद्वारे चाहत्यांना सांगितलं की, जर तुम्हाला कधीही असह्य पोटदुखी होत असेल तर ताबडतोब डॉक्टरांकडे जावे.

भारती झाली भावूक

व्लॉगमध्ये तब्येतीचे अपडेट देताना भारती भावूक झाली होती. गेल्या तीन दिवसांपासून माझी तब्येत बिघडल्यानं मी कोणालाही झोपू दिले नाही, असंही भारतीनं व्लॉगमध्ये सांगितलं.

व्लॉगमध्ये मुलाबद्दल बोलताना भारती म्हणाली, "मी रात्री उशिरा 10-11 च्या सुमारास रुग्णालयात गेले आणि त्यावेळी माझा मुलगा गोला गाढ झोपला होता. गोला मला घरी शोधत आहे."

भारतीनं 'या' शोमध्ये घेतला सहभाग

भारती सिंहने द ग्रेट इंडियन लाफ्टर चॅलेंज या शोमधून स्टँड-अप कॉमेडियन म्हणून करिअरला सुरुवात केली. कॉमेडी सर्कस, कॉमेडी नाईट्स बचाओ, द कपिल शर्मा शो आणि झलक दिखला जा 5 यांसारख्या शोमध्ये भारतीनं सहभाग घेतला.

2017 मध्ये भारतीनं हर्ष लिंबाचियाशी लग्न केले. 2022 मध्ये भारतीनं मुलाला जन्म दिला, त्याचे नाव लक्ष लिंबाचिया असं आहे.