Bigg Boss Marathi Bhaucha Dhakka : "इथे दादागिरी करायला हा रस्त्याचा नाका नाही" विशाल-ओमकारला रितेशचे खडेबोल

Marathi Bigg Boss Marathi S6 Update : कलर्स मराठीवरील बिग बॉस मराठीचं पर्व चांगलंच गाजतंय. या सीझनचा 6 चा पहिला भाऊचा धक्का पार पडणार आहे. या एपिसोडसाठी अनेकजण उत्सुक आहेत. त्यातच आता नवा ट्विस्ट समोर आला आहे. .बिग बॉस मराठीच्या आजच्या पहिल्या भाऊच्या धक्क्यावर रितेश स्पर्धकांची चांगलीच शाळा घेणार आहे. तर काही स्पर्धकांचं त्यांच्या कामगिरीसाठी कौतुकही करणार आहे. या आठवड्यात तन्वी कोलतेच्या पाठोपाठ घरात चर्चेत राहिला अभिनेता विशाल कोटियन त्याच्या दादागिरीमुळे. यावरून रितेशने त्याची चांगलीच शाळा घेतली आहे. तर ओमकारलाही खडेबोल सुनावले आहेत. .ओमकारने विशालची एक गोष्ट फेकल्यामुळे त्याने घरात तमाशा केला यावरून रितेशने त्याची चांगलीच कानउघाडणी केली. रितेश म्हणाला की,"काय आहे ना ? राग येणं, एखाद्या गोष्टीशी इमोशनली कनेक्ट असणं स्वाभाविक आहे. पण त्या गोष्टीशी तुम्ही इमोशनली कनेक्ट आहात हे इतरांना माहित नाही. तिची किंमत तुमच्यासाठी आहे. असली पाहिजे. तुम्ही झाल्यानंतर सगळ्यांना स्पष्टीकरण दिलं. तुम्ही म्हणालात तुझं आयुष्य गेलं तरीही तू देऊ शकणार नाहीस, तू स्वतःला विकलंस तरीही हे परत देऊ शकणार नाही. मला वाटत अशा शो मध्ये अशा पातळीची एकमेकांची किंमत काढणं आपण बंद केलं पाहिजे.".तर विशाल आणि ओमकार या दोघांनाही त्यांनी खडेबोल सुनावले. त्याने म्हटलं की, "हा शो फक्त आता युवकांचा राहिलेला नाही. हा शो घराघरात प्रत्येकजण एकत्र बसून पहिला जातो. हेच आदर्श तुम्ही सगळ्यांना दाखवणार आहात का ? आपल्याकडे दोनच जण आहेत ज्यांना काहीच बोलायचं नाहीये फक्त मारामारी करायची आहे. स्वतःच्या बॉडीचा, ताकदीचा प्रचंड माज आहे. एकमेकांच्या अंगावर धावून जायचं, धक्काबुक्की करायची. विशाल आणि ओमकार ऐका हे घर आहे घर. रस्त्यावरचा नाका नाहीये. हे घर माझं आहे. इथे दादागिरी नाही फक्त भाऊगिरी चालणार." या शब्दात रितेशने त्यांची खरडपट्टी काढली..रितेशच्या या खडेबोलानंतर स्पर्धक सुधारणार की घरात आणखी राडा घालणार हे पाहणं महत्त्वाचं ठरेल. तेव्हा पाहायला विसरू नका बिग बॉस मराठी सिझन 6 भाऊचा धक्का दररोज रात्री ८ वाजता फक्त कलर्स मराठीवर आणि जिओ हॉटस्टारवर कधीही. .आई–मुलींच्या नात्याच्या नाजूक छटा उलगडणारा ‘तिघी’चा भावस्पर्शी टीझर प्रदर्शित.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.