Ravi Kishan: "मोदींच्या ध्यानधारणेमुळे सूर्यदेव शांत झाले, कडक उन्हात वारे वाहू लागले"; रवी किशन नेमकं काय म्हणाले?

Ravi Kishan: लोकसभा निवडणुकीच्या शेवटच्या टप्प्याचं मतादान सध्या देशभरात सुरु आहे. यूपीच्या पूर्वांचलमध्ये आज लोक मतदान करत आहेत. तर गोरखपूरमध्ये रवी किशन (Ravi Kishan) यांनी पहिल्यांदाच मतदान केलं. आहे. मतदान केल्यानंतर रवी किशन यांनी पंतप्रधान नरेंद्र मोदी (Narendra Modi) यांच्या ध्यान साधनेबद्दल एक वक्तव्य केलं आहे. त्यांच्या या वक्तव्यानं अनेकांचे लक्ष वेधले आहे.

काय म्हणाले रवी किशन?

गोरखपूरमधील मतदान केल्यानंतर रवी किशन यांनी माध्यमांसोबत संवाद साधला. यावेळी बोलताना ते म्हणाले, "आजचे हवामान आल्हाददायक आहे, तिथे (कन्याकुमारी) पंतप्रधान नरेंद्र मोदी यांनी साधनेत बसून सूर्यदेवाला शांत केले, कडक उन्हामध्ये आज जोरदार वारे वाहू लागले. हे रामराज्याचे मोठे लक्षण आहे, भारताचे पंतप्रधान नरेंद्र मोदी तिसऱ्यांदा विराट रुपात येणारचे हे लक्षण आहे आणि माझा भारत खूप मोठा होईल, विकासित होईल आणि भारत सोने की चिड़िया होईल, भारत कधीही झुकणार नाही, भारतासमोर लोक झुकतील."

रवी किशन म्हणाले, "महादेव मतदानाची टक्केवारी वाढवतील"

गोरखपूरमध्ये मतदानाच्या टक्केवारीबद्दल देखील रवी किशन यांना विचारण्यात आलं. याबद्दल बोलताना ते म्हणाले, "येथे ऐतिहासिक मतदान होणार आहे, महादेव मतदानाची टक्केवारी वाढवतील."

पंतप्रधान नरेंद्र मोदींनी केली ध्यानधारणा

30 जून रोजी मतदानाच्या शेवटच्या टप्प्यातील निवडणूक प्रचार संपल्यानंतर पंतप्रधान नरेंद्र मोदी तामिळनाडूच्या दौऱ्यावर गेले. त्यावेळी मोदींनी कन्याकुमारी येथील विवेकानंद रॉक मेमोरियलमध्ये 45 तास ध्यानधारणा केली.