लोकप्रिय मराठी अभिनेता स्वप्नील जोशी याने आपल्या अभिनयाने प्रेक्षकांना आपलंसं केलं. निरनिराळ्या भूमिका साकारत स्वप्नील घराघरात पोहोचला. अगदी लहानपणापासून पडद्यावर दिसणारा स्वप्नील प्रेक्षकांचा कृष्ण बनला. त्याला मराठीमधील चॉकलेट बॉयदेखील म्हटलं जातं. स्वप्नील चे सध्या काही चित्रपट बॉक्स ऑफिसवर जादू दाखवायला अयशस्वी ठरले असले तरी तो मराठीमधील सर्वाधिक फी घेणारा अभिनेता आहे. नुकत्याच दिलेल्या एका मुलाखतीत स्वप्नीलने त्याच्या कमाईवर भाष्य केलंय.
