Kartiki Gaikwad: कुणीतरी येणार येणार गं! कार्तिकी गायकवाड होणार आई, डोहाळे जेवणाच्या कार्यक्रमाचे फोटो व्हायरल

Kartiki Gaikwad: सा रे ग म प फेम लिटिल चॅम्प्स (Sa Re Ga Ma Pa Lil Champs) फेम कार्तिकी गायकवाड (Kartiki Gaikwad) ही लवकरच आई होणार आहे. कार्तिकीचं डोहाळे जेवण नुकतेच पार पडलं आहे. तिच्या डोहाळे जेवणाचे फोटो सोशल मीडियावर व्हायरल झाले आहेत. या फोटोंमध्ये कार्तिकी खास लूकमध्ये दिसत आहे.

कार्तिकीनं शेअर केले फोटो

कार्तिकीनं तिच्या डोहाळे जेवणाचे फोटो सोशल मीडियावर शेअर केले आहेत. या फोटोमध्ये कार्तिकी ही हिरव्या रंगाची साडी, पांढऱ्या रंगाच्या फुलांचे दागिने आणि नाकात नथ अशा लूकध्ये दिसत आहे. कार्तिकनं शेअर केलेल्या डोहाळे जेवणाच्या फोटोंवर नेटकऱ्यांनी लाइक्स आणि कमेंट्सचा वर्षाव होत आहेत. अनेकांनी फोटोला कमेंट करुन कार्तिकी आणि रोनित पिसे यांना शुभेच्छा दिल्या.

कार्तिकीने शेअर केलेल्या फोटोमध्ये तिच्या हातात "मी आई होणार" आणि रोनितच्या हातात "मी बाबा होणार" असं लिहिलेले कार्ड्स दिसत आहेत.

2020 मध्ये कार्तिकीने रोनित पिसेशी लग्नगाठ बांधली. आता कार्तिकी आणि रोनित हे लवकरच आई-वडील होणार आहेत.

कार्तिकी गायकवाड ठरली 'सा रे ग म प' लिटल चॅम्प्स कार्यक्रमाची विजेती

'सा रे ग म प' लिटल चॅम्प्स या कार्यक्रमाच्या पहिल्या सिझनची कार्तिकी गायकवाड ही विजेती ठरली होती. या कार्यक्रमात कार्तिकीनं गायलेल्या 'घागर घेऊन' या गाण्याला प्रेक्षकांची विशेष पसंती मिळाली.

कार्तिकी ही सोशल मीडियावर अॅक्टिव्ह असते. कार्तिकी तिच्या गाण्यांची माहिती तसेच तिच्या वैयक्तिक आयुष्याची माहिती सोशल मीडियाच्या माध्यमातून चाहत्यांना देत देत असते. तिला इन्स्टाग्रामवर 117k फॉलोवर्स आहेत.