‘लक्ष्मी निवास’मध्ये जयंतचा अपघात होत असून त्याचे डोळे जाण्याचा धोका आहे.जान्हवीला मदत करण्यासाठी डॉ. माधव या नव्या पात्राची दमदार एन्ट्री होणार आहे.हा प्रोमो सोशल मीडियावर व्हायरल होत असून नेटकऱ्यांकडून संमिश्र प्रतिक्रिया येत आहेत..'लक्ष्मी निवास' मालिकेत सध्या वेगवेगळे ट्वीस्ट येतना पहायला मिळत आहेत. मालिकेत सध्या जान्हवीसमोर जयंतचा खरा चेहरा समोर आलाय, आणि जयंत किती विकृत आहे हे जान्हवीला कळून चुकलंय. लग्न झाल्यानंतर जान्हवी जयंतला समजून घेयची, परंतु आता जान्हवी हुशारीने वागू लागली आहे. तसंच जयंतच्या शिक्षेला आणि वागण्याला सुद्धा जान्हवी वैतागलेली दाखवण्यात आली आहे..आता मालिकेत जयंतवर मोठं संकट आलेलं दाखवण्यात आलं आहे. तसंच जान्हवीच्या मदतीला एक खास व्यक्ती सुद्धा येणार आहे. लक्ष्मी आणि श्रीनिवास सुद्धा मोठ्या संकटात असल्याने जान्हवीला तिच्या मनातील गोष्ट कोणाला सांगावी या विचारात ती असते. अशातच आता तिच्या मदतीला एक व्यक्ती धावून येणार आहे. मालिकेत आता नव्या अभिनेत्याची एन्ट्री होणार आहे..झी मराठीने शेअर केलेल्या प्रोमोमध्ये जयंत कन्स्ट्रक्शन साईटवर काम करताना त्याचा अपघात होतो आणि त्याचे डोळे खराब होतात. त्याच वेळी प्रोमोमध्ये जान्हवी एका व्यक्तीला फोनवर सांगते की, आमच्या घरी एका शेफची गरज आहे. जयंत त्याचा इंटरविंव घेऊन त्याला नोकरीवर ठेवणार असतो. यामागे जान्हवीची खास योजना असते. डॉक्टरांची ट्रिटमेंट देऊन ती जयंतला सुधारण्याचा प्रयत्न करत असते..जान्हवीच्या घरी शेफ बनून येणारा व्यक्ती हा डॉक्टर असतो. त्याचं नाव डॉ. माधव असतं. त्याला पाहताच जान्हवी म्हणते की, 'डॉक्टर तुम्ही श्रीकृष्णासारखे माझ्या मदतीला आला. देवा प्लीज हे मुलाखतीत पास होऊदेत.' आता मालिकेत डॉ. माधवच्या भूमिकेत अमेय बर्वे पहायला मिळणार आहे. .दरम्यान हा प्रोमो पाहून नेटकऱ्यांच्या प्रतिक्रिया येत आहेत. काही नेटकऱ्यांनी म्हटलंय की, 'बरं झालं जयंतचे डोळे गेले.' तर काहींनी म्हटलंय की, 'जयंतला मालिकेतून काढून टाका' तर दुसऱ्या काही नेटकऱ्यांनी म्हटलंय की, 'असला फालतूपणा दाखवणं बंद करा.' सध्या या मालिकेत दिवसेंदविस वेगवेगळे ट्विस्ट येताना पहायला मिळताय. .FAQs.जयंतला कसा अपघात होतो?कन्स्ट्रक्शन साईटवर काम करताना जयंतच्या डोळ्यांना इजा होते..डॉ. माधवची भूमिका कोण साकारणार आहे?अभिनेता अमेय बर्वे ही भूमिका साकारत आहे..जान्हवीला मदत करणारा हा शेफ कोण आहे?तो प्रत्यक्षात डॉक्टर आहे आणि त्याचं नाव डॉ. माधव आहे..नेटकऱ्यांची या प्रोमोवर काय प्रतिक्रिया आहे?काहींनी जयंतच्या अपघातावर आनंद व्यक्त केला तर काहींनी “फालतूपणा” म्हणत मालिकेवर टीका केली..'डार्लिंग, आय लव्ह यू' वीण दोघातली ही तुटेना मालिकेत स्वानंदींला ऐकू आले समरचे प्रेमळ शब्द, दोघांची पहिली भेट आणि....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
